ပိန်ညှောင်ညှောင် ကောင်လေးတစ်ယောက် အကြောင်း

သူ့ရဲ ကိုယ်ပိုင် ကမ္ဘာလေး တစ်ခု ကို သူပိုင်ဆိုင် ခဲ့တာ ဟာဆိုရင် တစ်နှစ်နဲ့ လေးလ ပြည့်မြောက်ခဲ့ ချိန်မှာ သူ့ရဲ့ လူ့လောက ကြီးကို ရောက်ခဲ့တာလဲ ရေတွက်ကြည့်မယ် ဆိုရင် လူ့သက်တမ်း ၂၃ နှစ်ပြည့်မြောက်ခဲ့ပြီပေါ့..။

မွေးရပ်မြေနဲ့ ချစ်တဲ့ ပျော်ရွှင် စရာ မိသားစုလေး ကိုခွဲခွာ ပြီးပျော်ရာမှာ မနေ တော်ရာမှာ နေခဲ့ ရတဲ့ ဘဝလေး မှာ သူ့ရဲ့ ကိုယ်ပိုင် ကမ္ဘာ လေးကို မောင်မျိုးနှင့်ပေစောင်းစောင်း ရိုက်ချက်များ ဆိုပြီး တည်ဆောက် ခဲ့တာပေါ့..။

ဒီ ကမ္ဘာလေးထဲမှာ သူ့အတွက် ပျော်ရွှင် ကြည်နူး စရာတွေ ဝမ်းနည်း အားငယ် မှုတွေ သူငယ်ချင်း မိတ်ဆွေ တွေ အကိုအမ၊ညီတွေ ညီမ တွေ..၊ တိုက်ခိုက်တတ်တဲ့ သူတွေ၊ ချစ်ခင် တတ်တဲ့ သူတွေ ၊ အားပေးသူ ၊ နှိမ်ချသူ၊ အို အများကြီးပါပဲ စုံလို့ စုံလို့ ပါ..အများ ကြီး နဲ့ ဆုံတွေ့ခဲ့လေရဲ့..။

မိသားစု ကို လွမ်းလို့ အိမ်ပြန်ချင်တဲ့ အချိန်တွေမှာ ဒီ ဘလော့ဂ် လေးထဲ မှာပဲ ရင်ဖွင့်မိပါရဲ့..

တစ်ခါ တစ်လေ အကြောင်းမလှ လို့ အတိုက်ခိုက် ခံရတဲ့ အချိန်တွေ မှာ ဆိုရင် သူ့ရင်ထဲ ကြေကွဲ ဝမ်းနည်း စွာ သူအမြတ်တနိုး တန်ဖိုး ထားတဲ့ သူ့ရဲ့ ဘလော့ဂ် လေးကို စွန့်ပစ် လိုက်ဖို့ အကြိမ်ကြိမ် တွေးတော မိဖူးပါရဲ့..။

တစ်ခါ တစ်လေလဲ မွေးရပ်မြေ ကို အပြီး ပြန်တော့မယ် လို့ စဉ်းစားပြီး နုတ်ဆက် မိပေါင်း ကလဲ အခါခါ နောက်တော့လဲ ဇာတိရပ်ရွာ မှာ မနေနိုင်လို့ ပြန်လာခဲ့ ရတော့လဲ သူ့ရဲ့ ဘလော့ဂ် လေးမှာ ကြည်နူး စွာ ပိုစ့်လေး တွေ ပြန်ရေး ရင်း ဘဝ ကြီး မှာ ဆက်ပြီး ရုန်းကန် လှုပ်ရှား ရပြန်ကော..ဒါကို နားမလည်ပေးနိုင် သူတွေက စတန့်ထွင်တယ် လို့ တိုက်ခိုက် မှုတွေကို သူခံစား ရပြန်ပါတယ်..။

ဘာပဲ ဖြစ်ဖြစ်လေ သူ့ရဲ့ ဒီကိုယ်ပိုင် ကမ္ဘာလေးကို သူချစ်တယ် တန်ဖိုးထားတယ် အခု အသက် ၂၃ နှစ်က နေ နောက် သေဆုံးချိန် အထိ သူ ကွန်ပြူတာနဲ့ နီးစပ် နိုင်သရွေ့ ဒီကမ္ဘာ လေးထဲ က သူ့ရဲ့ ဘာမှ မတော်စပ်တဲ့ ဆွေမျိုးတွေနဲ့ ပျော်ရွှင် စွာ နေသွားမှာပါ..။

PS:ကျွန်တော် နဲ့ တွေ့တိုင်း အကို က ညီအကို တွေထဲ မှာ ကျွန်တော့် ကို မချစ်ဆုံး ပဲ လို့ အမြဲ စကား နာထိုးတတ်တဲ့ ခရမ်းရင့်ရောင် အိုးပုတ်ပန်းတို့ပွင့်ရာမွေးရပ်မြေက ပိန်ညှောင်ညှောင် ကောင်လေးတစ်ယောက် ဖြစ်တဲ့ မောင်မျိုး ရဲ့ ၂၅ ရက် ၁ လ ၂၀၀၉ ခုနှစ် မှာ ကျရောက်တဲ့ မွေးနေ့အတွက် ဒီပိုစ့်လေး ရေးဖြစ်တာပါ..။

Read More

ငပိ လွမ်းသူများ

မြန်မာလူမျိုးနဲ့ ငပိ ၊ ငပိ နဲ့ မြန်မာလူမျိုး ကျောနဲ့ရင် တစ်သား ထဲဖြစ်နေသလို ဘယ်လိုမှ ခွဲခြားလို့ မရလောက် အောင်ပါပဲ..။

အဲဒီမှာ မြန်မာပြည် မှာနေထိုင် သွားဖူးတဲ့ နိုင်ငံခြားသား တွေဟာ သူတို့ နိုင်ငံ ပြန်သွားပြီး ငပိ ကိုစွဲစွဲ လမ်းလမ်း ဖြစ်နေတာလေး တွေ ကျွန်တော် ယ္ခင် သင်္ဘောလိုက်နေစဉ် တုန်းက ကြုံတွေ့ ခဲ့ရဖူးပါတယ်..။

မြင်တွေ့ခဲ့ရတာတော့ အိန္ဒိယ မှာပါ ပထမ ဦးဆုံးကတော့ ကာလကတ္တား ကို ကုန်ချဖို့သွားတဲ့ အချိန် ဆိပ်ကမ်းထဲ ကိုဝင်ဖို့ အတွက် ဒေါက်ထဲ ဝင်ရပါတယ် အဲဒီဒေါက် ထဲ ဝင်ပြီးမှ မြစ်ထဲက ရေနဲ့ သင်္ဘော ဆိုက်ကပ်တဲ့ နေရာက ရေကို ချိန်ညှိ ပေးပြီးတော့မှ ဆိပ်ကမ်း ကို ဝင်ကပ် ရတာပါ..။

ဒီလိုနဲ့ ဒေါက်ထဲမှာ ရေချိန်နေတုံး ဒေါက်မာစတာ လို့ ခေါ်တဲ့ အိန္ဒိယ သား အရာရှိ တစ်ယောက် တက်လာပါတယ်..။

အဲဒါနဲ့ AB တစ်ယောက် က သွားမေးပါတယ် .။

ဘာလို့လဲ ဆိုတော့ ဒေါက်မာစတာ ဆိုတာ သင်္ဘောပေါ်မှ တက်လေ့ တက်ထ မရှိတာကိုး.

"ဘာများ အလိုရှိလို့ပါလဲ ဒေါက်မာစတာ" ပေါ့လေ

အဲဒီတော့ ဟိုက မြန်မာလို ပြန်ပြီး ပြောပါတယ်..

ညီလေး တို့ သင်္ဘော က တစ်ခိုင်လုံး ရွှေ ( အငြိမ့်အဖွဲ့မဟုတ်ပါ သင်္ဘောတစ်စီးလုံး မြန်မာ လူမျိုးများချည်း ဖြစ်လျှင် တစ်ခိုင်လုံးရွှေ ဟု ခေါ်ကြသည်..။) လို့ ကြားလို့ လာလည်တာပါ ကပ္ပတိန် နဲ့တွေ့ပါရစေ..။

ဒါနဲ့ပဲ AB လဲ သင်္ဘော မောင်းနှင် ထိန်းချုပ်ခန်း ကိုလိုက်ပို့လိုက်ပါတယ်..။

ဟိုရောက်တော့ စကားစမည် ပြောရင်း ဒေါက်မာစတာ က ကပ္ပတိန် ကို သူလိုချင်တာ တစ်ခုတောင်းပါတယ်
ဘာလဲ ဆိုတော့ ငပိ ပါ..

"ကျွန်တော် ဒီကို ပြန်ရောက်နေတာ နှစ်သုံးဆယ်လောက် ရှိပါပြီ ခလေးဘဝ ကပြန်ရောက်လာတယ်ပေါ့ဗျာ အခုတော့ ဒီမှာပဲကျောင်းတက် ပြီး ဒေါက်မာစတာ ဖြစ်လာတာပါ.. ငယ်ငယ်က စားခဲ့ရတဲ့ ငပိရည် နဲ့ ငပိထောင်း ကို ကျွန်တော် တို့ တစ်မိသားစုလုံး အမြဲတမ်း လွမ်းဆွတ် တသ နေတာ ပါဗျာ ဒီတော့ ဒီသင်္ဘော ကလဲ မြန်မာချည်းဆိုတော့ ငပိ ရှိမယ် လို့ထင်ပါတယ် အရင် တစ်ခါ တစ်လေ ကြယ်ငါးပွင့် က သင်္ဘောတွေ ဒီမှာ ဒေါက်တင်ပြီး လာပြင်ရင်တော့ စားရပါတယ်"...။

ဒါနဲ့ ကပ္ပတိန်လဲ ငပိဗူးတွေ ပေးလိုက်ပါတယ်

ဟိုလူလဲ ပျော်ပြီး ပြန်သွားလေရဲ့ နောက်ပိုင်း ကျွန်တော်တို့ သင်္ဘော အဲဒီသွားမယ် ဆိုရင် အဲဒီဒေါက်မာစတာ အတွက် ငပိ ဘူးတွေ ပိုပို ယူသွားပြီး လက်ဆောင်ပေးတာပေါ့ဗျာ..။

နောက်တစ်ခါ ကတော့ ဘိုင်ဆပ် လို့ခေါ်ပါတယ် အဲဒီမှာ လဲ ဒီလိုပါပဲ..
သင်္ဘော ကုန်တွေ ချနေတုန်း သင်္ဘော ဂန်းဝေး ( လူများ တက်ဆင်း လုပ်သည့် သင်္ဘော ကုန်းပတ်) ကလှေခါး အတိုင်း လုံခြုံရေး ယူနီဖောင်းနဲ့ ကုလား နှစ်ယောက် တက်လာပါတယ်..။

အဲဒါနဲ့ ဂန်းဝေး ဂျူတီ ကျနေတဲ့ AB က အာ ဒီကောင်နှစ်ကောင် ဘာလာ ရှုပ်တာလဲ မသိဘူး ဆိုပြီး ပြောပါတယ် ..

အဲဒီနှစ်ယောက်က

"စိတ်မဆိုးပါနဲ့ အကိုရယ် မြန်မာ သင်္ဘော ဆိုလို့ ဝမ်းသာ အားရ လာနုတ်ဆက်တာပါ ဗျာ.."
လို့ မြန်မာလို ပြန်ပြောတော့ အားလုံး အတော်လေး အားနာ သွားတယ် ..

သူတို့လဲ ငပိ လိုချင်တာပဲဗျ ဒါပေမယ့် သူတို့ ကလဲ ကိုယ်တွေကို အဖိုးတန် တာ တစ်ခု ပြန်ပေးပါတယ် ဘာလဲ သိလား?

ချဉ်ပေါင် ဗျို့ ချဉ်ပေါင်..

နိုင်ငံခြားတိုင်းပြည် တွေ ဘယ်သွားသွား ဝယ်လို့မရတဲ့ မြန်မာတွေပဲ စားတယ် လို့တောင် ပြောလို့ရတဲ့ ချဉ်ပေါင်တွေဗျား...

အဲဒီ ၁၉၉၆ လောက်တုန်း က စင်္ကာပူ ဝင်တိုင်း ဗီယက်နမ် ဈေး ယိုးဒယားဈေး ဈေးတကာ့ ဈေး လိုက်ရှာ တာမတွေ့တဲ့ ချဉ်ပေါင် ပါ.

သူတို့ကို ရူပီး လေးဆယ် ပေးလိုက်တာ အိုး ဘာပြောကောင်းမလဲ သူတို့ စက်ဘီးနှစ်စီး နောက် ကယ်ရီယာ မှာ အပြည့်ဗျာ သယ်လာလိုက်တာ ချဉ်ပေါင်တွေ အထုပ် ကိုက စက်ဘီးနင်းလာတဲ့ သူတို့ရဲ့ခေါင်း နဲ့တတိုင်းထဲ လောက်ရှိတယ်...

သူတို့ပြောတာက ကိုယ်ပိုင်စိုက်ထားတာတဲ့ ဘယ်မှာမှ မရှိဘူး လို့ပြောတယ် သူတို့က အရင် မိုးကောင်း နားမှာ နေခဲ့တယ် ဆိုတာနဲ့ တော်လှန်ရေး အစိုးရတက်ပြီး အိန္ဒိယ သားတွေ အိမ်ပြန်ပို့တဲ့ အထဲ ပါလာတယ် ပြောတာပဲ ဒီမှာ အဲဒီက ပြန်ပို့တဲ့သူတွေ ချည်း ရပ်ကွက် တစ်ရပ်ကွက် ရှိတယ် လို့ပြောတယ်..။

အိုး ...ဒီလိုနဲ့ သင်္ဘော တစ်စီးလုံး ဂျူတီနားတဲ့ သူတွေ စားသောက်ခန်းထဲမှာ ချဉ်ပေါင် ဝိုင်းသင် ကြတာပေါ့ ဟီး အိမ်ကပါဆယ် မမှာ ရင် မစားရဘူးလေ ပါဆယ် လာလဲ သိတဲ့ အတိုင်း ဝိုင်းအားပေးကြတာ တစ်ယောက် တစ်ဇွန်းလောက်ပဲ စားရတာ ..

ဒီလိုနဲ့ အဲဒီနေ့က သင်္ဘော ပေါ်မှာ ချဉ်ပေါင်ကြော် ပါတီကြီး ကျင်းပခဲ့ပါတယ် ချဉ်ပေါင်ယူလာပေးတဲ့ နှစ်ယောက်လဲ လွေးလိုက်တာ ဆိုတာ ဘာလို့ဆို သူတို့က ချဉ်ပေါင်ကြော်စားပေမယ့် ငပိမပါတဲ့ ချဉ်ပေါင်ကြော်ချည်း စားလာရတာ ကိုးဗျ သူတို့နှစ်ယောက် ကိုလဲ ငပိဘူးတွေ တော်တော် များများ လက်ဆောင်ပေးလိုက် တာပေါ့ဗျာ..

ဘာမှ မဟုတ်ဘူး အခု ဟင်းချက်ခါနီး ချဉ်ပေါင်ကြော်စားချင်တာ မရှိလို့ ချဉ်ပေါင်နဲ့ တူတဲ့ စပီးနက်ပ် ဆိုတဲ့ အရွက် ကြော်စားဖို့လုပ်ရင်း အရင် ချဉ်ပေါင်ကြော်စားခဲ့ တာလေး သတိရလို့ ပြန်ရေးလိုက်တာ ..။

Read More

အဖေပေးမယ် ဆိုတဲ့ အမွေ

ကျွန်တော်ငယ်စဉ် က ပျော့ပျော့လေးနဲ့ နံတဲ့ ကြောင်ချီးလို့ ပြောလို့ ရလောက် အောင် ပြန်မပြော နားမထောင် မဟုတ်တာ လဲ လုပ်တာ မဟုတ် ဟုတ်တာလဲ မလုပ် ဘာကြီးမှန်းလဲ မသိ ဆိုးသည်လဲ မဟုတ် ကောင်းသည် လဲ မဟုတ် အလည် အလတ် တန်းစားထဲ ပါမည် ထင်သည်..။

အဖေနဲ့ နေစဉ် အပေါ်ထပ် မှာ ကျွန်တော် တစ်ယောက်ထဲ နေရသည် အဖေ နှင့် ကြီးဒေါ်ကြီးက အောက်ထပ်မှာ နေသည်.. အပေါ်ထပ် ဆိုပေမယ့် အပြည့် မဟုတ်ပါ အိမ်၏ ထက်ဝက်ခန့်သာ ရှိပြီး ဟင်းလင်း ပြင် ဖြစ်ပါသည် ဒီတော့ အောက်ထပ် ဧည့်ခန်း မှ အပေါ်ကို မော့ကြည့်လျှင် အပေါ်ထပ် ၏ ထက်ဝက် ခန့်ကို မြင်တွေ့ ရနိုင်ပါသည်..။

ကျွန်တော် ၏ စာကြည့်စားပွဲ က လဲ အောက်မှ လှမ်းကြည့်လျှင် မြင်ရပါသည် ဒီတော့ ကျွန်တော် စာကျက်လိုစိတ် ရှိသည် ဖြစ်စေ မရှိသည် ဖြစ်စေ အဖေ အချိန်ဇယား ဆွဲ ပေးထားသည့် အတိုင်း မနက် ငါးနာရီမှာ ကျောင်းသွားဖို့ ပြင်ဆင် ခါနီး ၈ နာရီ အချိန်ထိ ညနေ ခြောက်နာရီမှ ၇ နာရီ ပြီးလျှင် ၈ နာရီမှ တီဗွီ သတင်းပြီးသည် အထိ( ဘာလို့ အချိန်တွေကွဲ သွား သလဲ ဆိုတော့ အဲဒီအချိန်က ရ နာရီထိုးရင် တီဗွီ အစီအစဉ် စတယ်လေ ဘယ်လို မှ စာကျက်ခိုင်းလို့ မရမယ် မှန်း သိလို့ အဲလို ဆွဲပေးတာ ) တီဗွီ အစီအစဉ်ပြီးရင် နောက် တစ်နာရီလောက် ထပ်ထိုင်ပြီးရင် အိပ်ပေါ့..။

ဒါပေမယ့် သိတယ် မဟုတ်လား အောက်ကမြင်ရတယ် ဆိုတာ စာကြည့်စားပွဲ မှာ ကျွန်တော် ထိုင်နေတာပဲ မြင်ရတာ ဘာတွေလုပ်နေလဲ ဆိုတာ အတိအကျ မြင်ရတာ မဟုတ်ဘူးလေ ကျွန်တော်ကလဲ စာကြည့်မီးအုပ်ဆောင်းလေး ဖွင့်ပြီး ဝတ္တုဖတ်ချင် ဖတ်နေတာ ဟီး ဟီး..

အဲလိုနဲ့ နေလာတာ အဖေကသိတယ် ဒါနဲ့ တစ်နေ့တော့ ကျွန်တော့် ကို ငါ့သား ကို အဖေ ပြောစရာ ရှိတယ် လာထိုင် ဆိုပြီး ခေါ်ပါလေရော ကျွန်တော်လဲ ခပ်လန့်လန့်ပဲ ဘာများပြောမလို့လဲ မသိဘူးပေါ့လေ..။

ခဏနေတော့ အဖေက ကျွန်တော့်ကိုစပြီး စကားပြောပါတယ်.

"ငါ့သား အခုဆို အထက်တန်းကျောင်းသားကြီးလဲ ဖြစ်နေပြီ ကလေးလဲ မဟုတ်တော့ ရိုက်နှက် ဆုံးမရမယ့် အရွယ်လဲ မဟုတ်တော့ဘူး အခု ဒီအချိန် ဟာလဲ သားဘဝ ရဲ့ အဆုံးအဖြတ် အချိန် ဖြစ်နေပြီ ဆိုတော့ သား ရှေ့မှာ ဘာဖြစ်နိုင်တယ် ဆိုတာ အဖေ ဘာလုပ်ပေးနိုင်တယ် ဆိုတာ အဖေ ပြောပြမယ်.."

"ဟုတ်ကဲ့"

"သားစာမေးပွဲ အောင်ခဲ့မယ် ဆိုရင် တက္ကသိုလ် သွားချင်လား မင်းအရမ်း ဖြစ်ချင်တယ် ဆိုတဲ့ ဗိုလ်သင်တန်း တက်မလား အဲဒါတွေ အတွက် ဘာမှ ပူစရာမလိုဘူး တက္ကသိုလ် တက်ချင်ရင် ဆိုလဲ အဖေ သားကို ဆက်ထားနိုင်တယ် စစ်တက္ကသိုလ် တက်ချင်တယ် ဆိုလဲ ဗိုလ်လောင်းရွေးချယ် ပွဲမှာ ငါ့သား မပါလာခဲ့ရင် အဖေ့ကို ကြိုက်သလို သာပြော"
(ထိုအချိန်က အရေးအခင်း မဖြစ်သေးပါ ကျွန်တော့် ၏ ဘဝရည်မှန်းချက်မှာ စစ်ဗိုလ် ဖြစ်ရန် တစ်ခုထဲ ဖြစ်ခဲ့ဖူးပါသည် အဖေ့တပည့်ဟောင်း တွေကလဲ ဗိုလ်ရွေး တွင် အကောင်ကြီးများ ဖြစ်နေကြသဖြင့် အဖေ အာမခံ ရဲခြင်းဖြစ်ပါသည်..နောက်အရေးအခင်းဖြစ်ပြီးသော အခါ ရည်မှန်းချက်ပျောက်ပြီး သင်္ဘောသား သာလုပ်ခဲ့ရပါသည်..။)

"အဲ ငါ့သား စာမေးပွဲ မအောင်ခဲ့ဘူး ဆိုရင်တော့ ကွာ အဖေက သူများ တွေလို စီးပွားရေးလုပ်ငန်းကြီးလဲ ထူထောင်မပေးနိုင်ဘူး တက္ကစီလောက် ဆွဲစား ရအောင်လဲ ကားမဝယ်ပေးနိုင်ဘူး ဒီတော့ အဖေ သား အတွက် လုပ်ပေးနိုင်တာ ကတော့ ဆိုက်ကား လောက်တော့ အဖေ ဝယ်ထောင်ပေးနိုင်တယ် ကိုယ်ပိုင် ဆိုက်ကား နင်းစားတော့လဲ သပိတ်ဝင် အိပ်ဝင်ဆို မဆိုးလောက်ပါဘူး ဒီတော့ ငါ့သား စဉ်းစားပြီး ကိုယ့်ဘဝ အတွက် လမ်းကြောင်း ရွေးပေါ့ ကွာ " ဆိုပြီး ထသွားပါလေရော...။

အဲဒီအချိန် ကစလို့ ကျွန်တော်လေ လမ်းသွားလို့ ဆိုက်ကား တွေတွေ့တိုင်း စာမကျက်ချင် ဘူး ဆိုတဲ့ စိတ်တွေ ဖြစ်လာတိုင်း မျက်စိထဲ မှာ အဖေပေးမယ် ဆိုတဲ့ အမွေ ဆိုက်ကားကြီး နဲ့ ဆိုက်ကားနင်းနေတဲ့ ပုံကြီးပဲ မြင်ယောင် မိပြီး အင်း ငါစာမေးပွဲ မအောင်ခဲ့ ရင် ဒီလိုမျိုး ဆိုက်ကား နင်းရတော့မယ် ဆိုတဲ့ ကြောက်ရွံ့ မှုတွေက ကျွန်တော့် ဘဝကို တွန်းအားတွေ ဖြစ်စေခဲ့ပါတယ်..။

Read More

၁၅ ရက်ပျောက်သွားတဲ့ ပိတ်ရက်များ..။

ဒီပိုစ့်လေး ရေးဖြစ်တဲ့ အကြောင်း ကတော့ ကျွန်တော် ပိုစ့်တွေ မတင်ပဲ ဘာလို့ပျောက်နေတာလဲ ဆိုတာလေး ပြောရင်း လာရောက် ဖတ်ရှုသူတွေ ကို ဘလော့ဂ် ကို ဒေါင်းလုဒ် ဝိတ် ဘယ်လောက်လေး နေပြီလဲ ဆိုတာ စစ်လို့ ရတဲ့ ဆိုဒ်လေး တစ်ခု လဲ ပေးချင်လို့ပါ တော်တော် လေး အဖိုးတန်ပါတယ် ..။

ပြီးခဲ့တဲ့ လကုန်လောက်က ဆိုင်ပိတ်ခါ နီးတုန်းကတော့ အတွေးထဲမှာ က ငါတော့ အေးဆေးနားရပြီ ဘလော့ဂ်လေး ကို ပိုစ့်တွေ တင်မယ် ဘလော့ဂ် တွေလည်မယ် အိမ်မှာပဲ ကွန်ပြူတာ တစ်လုံးနဲ့ ကမ္ဘာပတ် ပြီး လျှောက်လည် မယ်လို့ စဉ်းစားထားတာပဲဗျ.။

ဒါပေမယ့် အခွင့်အရေး ကမရပါဘူးဗျာ..
အခွင့်အရေး မရဘူး ဆိုလို့ ကွန်ပြူတာနား မနေနိုင်လို့ လားလို့တော့ မထင်လိုက်ပါနဲ့ တစ်နေကုန် တစ်ညလုံး နေ့စဉ်ရက်ဆက် ဆိုသလို မနက် မိုးလင်း ၆ နာရီ ၇ နာရီ လောက်မှ အိပ်ရတယ် ပြီးတော့လဲ ၁၀ နာရီ ၁၁ နာရီ လောက်ကျ တော့ပြန်ထပြန်ရော.. မျက်နှာသစ် ကော်ဖီသောက် ပြီးတာနဲ့ ကွန်ပြူတာရှေ့ တစ်နေကုန် အစားအသောက်တောင် သူငယ်ချင်းတွေကို လမ်းက ဝယ်လာခဲ့ပေးဖို့ ပြောပြီး မှာစား ရတယ် ဟီး..။

ဘာတွေ အလုပ်ရှုပ်နေလဲ ဟုတ်လား ?

ဒီလို အလုပ်ပိတ်ပြီး နောက်တစ်နေ့ ကျွန်တော်လုပ်ထားတဲ့ မန်ယူဖိုရမ် နဲ့ သရဲနီတို့ပျော်စံရာ ဘလော့ဂ် လေး ကို ပစ်ထားတာ ကြာပီ ဆိုတော့ ဖိုရမ်ကတော့ မော်ဒီရေတာ တွေနဲ့ လည်ပတ်နေတယ် ဘလော့ဂ် က ပိုစ့်မတင် တာကြာပေါ့ ဒီတော့ နီးစပ်ရာ သတင်းလေးတွေ လိုက်ဖတ်ရင်း ပိုစ့်တွေတင်ပေါ့ဗျာ..။

နောက်တော့ ကျွန်တော် ကလဲ ကလိတာ အလွန်ဝါသနာ ပါတဲ့ကောင်ဆိုတော့ ဘလော့ဂ် လေးကို သပ်သပ်ရပ်ရပ် ဖြစ်အောင် တန်းပလိတ်လေး ပြောင်းအုံးမှ ဆိုပြီး လုပ်ပါလေရော အဲဒါက သိတဲ့ အတိုင်း တန်းပလိတ်ရှာ ပြောင်း ဟိုဟာလေးထည့်ဒီဟာလေး ထည့် ဘန်နာလေး ကိုလဲ ဖလက်ရှ် ကလေးနဲ့ အစစ အရာရာ ပြိုင်ဘက် ဘောလုံး ဖန် ဘလော့ တွေထက်သာအောင် လုပ်လိုက်ရတာ လူ့ကို တော်တော်လေး မောသွားတယ်..။

တစ်ဖက်မှာလဲ ဖိုရမ်အတွက် ပိုစ့်တွေ မှာ အပြုံးလေး တွေ ထည့်ပေးပါဆိုလို့ ပြေးထည့်ပေးရ ဘောလုံးပွဲ သတင်း တင်ရ ကြော်ငြာ အားနည်းနေလို့ ဘလော့ဂ်တွေ လိုက်အော် ရနဲ့ မိုးလင်းလာတာ တွေ့လို့ တာဝန် အရသာ အိပ်လိုက်ရတယ် လူက နောက်ဆံတင်းပြီး ကောင်းကောင်းတောင် အိပ်မပျော်ချင်ဘူး..။

နောက်တော့လဲ ဘောပွဲ ဟိုက်လိုက်လေးတွေ တင်ပေးဖို့ကလဲ Youtube က ဘောပွဲတွေ ကို မူပိုင်ခွင့်နဲ့ ငြိတယ် ဆိုပြီး တင်ခွင့်ကမပေး တစ်ခါ ဘယ်မှာ အပ်လုဒ် တင်လို့ ရမလဲ ရှာရ ပြန်ကော ရတဲ့ ဟာတွေ့ ပြန်တော့လဲ ဖိုရမ် မှာကလဲYoutube ကုဒ်တွေ ပဲ ထည့်လို့ ရအောင် လုပ်ထားတော့
အဲဒီ တင်လိုက်တဲ့ ဆီက embed ကုဒ်တွေ ကိုထည့်ဖို့က ကြိုးစားရပြန်ကော ဒီလိုနဲ့ပဲ လုံးလည် ချာလည် လိုက်ပြီး နေ့နဲ့ညတွေကလဲမှား..။

နောက်နေ့တွေလဲ သရဲနီ ဂျီမေးလ် ဖွင့်ထားပြီး အက်ဒ်လာတဲ့ မန်ယူဖန်တွေကို လက်ခံရ စကားပြောပြီး ဖိုရမ် မှာ ဝင်ဆွေးနွေးဖို့ ဘလော့ဂ်မှာလဲ ပိုစ့်တွေ တင်ဖို့ စည်းရုံးရေး ဆင်းရင်း နဲ့ အင်း ငါတော့ အတော်လေး လုပ်သင့်တာလေး တွေ လုပ်ပြီး သွားပြီ နားရတော့ မယ် ထင်နေတုန်း ဟော လာပါပြီဗျာ ..။

တူတော်မောင် သူ့ကို ဘလော့ဂ် လုပ်ပေးထားတာ တစ်နှစ် နီးပါးရှိတော့မယ် ပိုစ့်နှစ်ပုဒ် တင်ပြီး ပစ်ထားလို့ ကိုယ်လဲ သူ့အတွက် လုပ်ပေးနေတဲ့ တန်းပလိတ် ကို တန်းလန်းကြီး ပစ်ထားလိုက်တယ်

အဲဒါက အခုမှ ဇာတ်လမ်း ပြန်ဆက်ပြီ သူလဲ အလုပ်ကနား ကွန်ပြူတာလဲ ကိုယ်ပိုင်ဝယ်လိုက်တယ် ဆိုတော့ ဘလော့ဂ် လေးကို ပြန်လုပ်ချင်လာရော ဒီတော့ ဦးလေး ဖြစ်သူ ကျွန်တော့ ကိုပဲ လုပ်လက်စ လေး လက်စသတ် ပေးပါ ဟိုဟာလေး လိုချင်တယ် ဒီလိုမျိုးလေး ထည့်ပေးပါ ဆိုပြီး အလုပ် အပ်ပါလေရော ဒါနဲ့ လုပ်ပေါ့ ညလုံးပေါက်. ...။

မနက်မိုးလင်း တော့တူတော်မောင် စိတ်တိုင်းကျအောင် နဲနဲ ပါးပါး ဟိုရွှေ့ဒီရွှေ့လေး တွေလုပ်ပေးပြီး မန်ယူဘလော့အတွက် သတင်းတွေစု ဗွီဒီယိုတွေ တင်နဲ့ ငါ့ အလုပ်လေးတွေ အပြီးသတ်တော့မယ် ဒါဆို ငါတော့ ငါ့ဘလော့ဂ် အတွက် ပိုစ့်ရေးလို့ ရပြီ ထင်နေတုံး ...

"ဝေးးးးးးးးးးး ချစ်ကိုကြီး နေကောင်းလား "

ဘာလား ညာလား တွေနဲ့ ဂျီတော့ ထဲကနေ ဝုန်းဒိုင်းကျဲ ပြီး ဝင်လာတာကတော့ ညီမတော် တစ်ယောက်
နောက်တော့လဲ ဘာပြောလဲ ဆိုတော့ ...

"ညီမလေး ဘလော့ဂ် ကလေ ဂတုံး ကြီးဖြစ်နေတယ်"

"ဟမ်..!! ဘာလဲ ဟ ဂတုံး ကြီး ဘလော့ဂ် ကတုံးကြီး ဖြစ်တာ ဘယ်လိုကြီးတုန်း"?

"ဟိုလေ သူများ ဘလော့ဂ် တွေလို ခန့်ခန့်ငြားငြား မရှိဘူး ပြောင်ချော်ချော် ကြီး ဖြစ်နေတယ် .... အဲဒီတော့ ထုံးစံ အတိုင်း အကိုကြီး ရဲ့ ညီမလေး မျက်နှာငယ်နေမှာ ကို ကြည့်မနေနဲ့နော် ညီမလေး လိုချင်တာ တွေ ထည့်ပေးပါ အိမ်ပြင်မယ်"..။

ဘန်နာက စာလုံးတွေ မှိန်နေတယ် !! ဟိုလေ ဘယ်နိုင်ငံတွေက လာတယ် ဆိုတဲ့ ကောင်တာလေး လဲ ထည့်ပေးနော် အင်းနောက်တော့ ကြော်ညာလေးတွေလဲ ထည့်ချင်တယ် နောက် နာရီလှလှလေး လဲ ရှာပေးနော် နောက် .. နောက်... နောက် ..................။

ဒါနဲ့ ကဲ ဒီတစ်ယောက်တော့ အမြန်လုပ်ပေးလိုက်ပြီး ရင်တော့ ငါလဲ နားအေး ပါးအေး စာလေး ရေးလို့ ရမယ်လေ ဆိုပြီး လုပ်ပေးလိုက်တယ် အမြန်ဆိုပေမယ့်လဲ သိတယ် မဟုတ်လား ဒါမျိုးဆိုတာက ရှာလိုက်ဖွေလိုက် ထည့်လိုက် နဲ့ ဆေးသုတ်ရုံလောက် တောင် တစ်ရက် နှစ်ရက် ကအနည်းဆုံး ကြာတာပဲ..။

ကဲ ဒါနဲ့ပဲ အားလုံး ပြီးသွားပါပြီ ညီမလေး လဲ ပျော်ပျော်ရွှင်ရွှင် ဖြစ်သွား ပြီ ဆိုတော့ ကဲ စမယ်ဟေ့ လို့တွေးနေတုန်း...။

နောက်ထပ် တစ်ယောက် ဂျီတော့ ထဲ ကနေ ဝုန်းဒိုင်း ကျဲ ဂျွန်းထိုး ဒိုင်ဗင် ပစ်ပြီး ဝင်လာပါတော့တယ်..။

သူက အစတော့ အေးဆေးပဲ..... ဝေါ့ပရက်စ် လုပ်ချင်တယ် တဲ့ ..

ဒါနဲ့ ကျွန်တော်လဲ ... "အေး ရော့ ဟောဒီမှာ ဝေါ့ပရက်စ် လုပ်နည်း စာအုပ် မြန်မာလိုပဲ ရေးထားတယ် ဖတ်ပြီး တစ်ဆင့် ချင်း အေးဆေးလုပ်ကြည့်"....။
"ဒါပေမယ့် တစ်ခုတော့ ရှိတယ် ဝေါ့ပရက်စ်ပြောင်းမှာ သေချာတယ် ဆိုရင်တော့ ငါ ဒီ ဂျီတော့ ကို ဘယ်တော့မှ မဖွင့်တော့ဘူး"... လို့ပြောလိုက်တယ်..။

"ဗျာ"!! "ဘာဖြစ် လို့လဲ ဆရာရဲ့"?

"ဟင် မင်းဒီလောက် ဘလော့ဂ် စပေါ့လေး လုပ်တာတောင် ရွာလည်နေတာကို ဝေါ့ပရက်စ် သွားလုပ် ရင်ငါဂျီတော့ ပေါ်တက်လာတိုင်း အအားနေရမှာ မဟုတ်ဘူး"..။

ဒါနဲ့ ကိုယ်တော်ချော လဲ ဝေါ့ပရက်စ် စာအုပ်လေး ရသွားပြီး ငြိမ်သွားတယ် နောက်မကြာပါဘူး သုံးလေးနာရီ လောက်လဲ ကြာရော ......၊

"ဘာတွေ ရေးထားတာလဲဗျာ စာအုပ်က လဲ ရှင်းအောင် လိုက်ရေးထားလွန်းလို့ နားကို မလည်တော့ဘူး ဗျာ"
ဆိုတဲ့ စကားလုံးတွေ နဲ့ လိုင်းပေါ်ပြန်တက်လာပါတယ်..။

ပြီးတော့မှ .. "လုပ်နည်း တောင်ဒီလောက် ရှုပ်နေရင် ကျွန်တော်လဲ မလုပ်ချင်တော့ ပါဘူးဗျာ သူများတွေ ဝေါ့ပရက်စ် ပြောင်းမယ် ပြောင်းမယ် ပြောကြလွန်းလို့ ခေတ်မှီအောင် ပြောင်းရင် ကောင်းမလားလို့ စဉ်းစားတာပါ..။

ခုတော့ ဘလော့ဂ် လေးပဲ အိမ်အသစ်ပြန်ဆောက်တော့မယ် ဆရာ အရင်ပြောထားတာ ရှိတယ် မဟုတ်လား ဆောင်းတွင်း အလုပ် ၂ လ နားရင် ကျွန်တော့် ကို သိချင်တာ လုပ်ချင်တာပြော လုပ်ပေးမယ် လို့ ပြောထားတယ်လေ အခု တော့ အလုပ်ပိတ်တာ တစ်ပါတ် လောက်တောင် ရှိပြီ တစ်ခါ မှ အားတယ် မပြောဘူး..။

အခု ဝေ့ါပရက်စ် လဲ မပြောင်းချင်တော့ဘူး ဆိုတော့ တန်းပလိတ်ပြောင်းပေး ကျွန်တော် ဒေါင်းထားပြီး သားတန်းပလိတ် ရှိတယ် ပို့လိုက်မယ်"..။
"ဟေ့ ... ငါ တစ်ကယ်ပြောတာ မအားဘူး ဟ"

"အော် ဆရာက ကောင်မလေး တွေကျ လုပ်ပေးပြီး ကျွန်တော့် ကျ မလုပ်ပေးချင်ဘူးပေါ့လေ ရပါတယ် ဗျာ"..။

"တိန်"
သေပြီ ဒီကောင် တော်တော်ဆိုးတဲ့ ကောင်ပါလား ဒီကကောင်ကတော့ ဘာဖြစ်လို့ ဖြစ်နေမှန်း မသိ သူပြောချင်တာ သူလုပ်ချင်တာတွေချည်း စွတ်ပြောနေသည် မအားဘူး ပြောပြန်တော့လဲ လူကို ဘက်လိုက်သလိုလို ဘာလိုလို..။

ဒါနဲ့ ထုံးစံ အတိုင်းပဲ ကဲ မြန်မြန်ပြီး မြန်မြန်အေး ကွာ ဆိုပြီး သူပို့ပေးလိုက်တဲ့ တန်းပလိတ် တွေ ကြည့်လိုက်တော့ လားလား ကိုယ်တော်ချော ဒေါင်းထားတာတွေက အကုန် ဝေါ့ပရက်စ် အတွက်ချည်း ဖြစ်နေတယ် ..။

ဒါနဲ့ ..."ဟေ့ ဒါတွေ ကမရဘူး ဟ ဝေါ့ပရက်စ် အတွက် လို့"ပြောတော့ ကိုဂျပန်မူလီက အရစ်ကရှည်နေပြန်ရော ဘာလို့မရတာလဲ မတူဘူးလား ဘာလား ညာလားနဲ့ အလုပ်လုပ်ချိန်မရ သူမေးတာတွေ ချည်းဖြေနေရမဲ့ ပုံ ပေါက်နေ ရော...။

ပြီးသွားတော့ .."ဘလော့ဂ်တန်းပလိတ်က ဘယ်မှာရှာရမှာလဲဗျ"?

"ကဲ ရော့ ဟောဒီမှာ လိပ်စာ ကိုယ့်ဖာသာ ကြိုက်တာရွေး ရရင်လင့်ပေး ငါ ဒေါင်းပြီး တန်းပလိတ် ချိန်းလိုက်မယ်"

ဒါပေမယ့် ခဏပါပဲ

"ဆရာက ပြောင်းမယ့်လူဆိုတော့ ဘာလေး အဆင်ပြေမလဲ ဆိုတာ ပိုသိမယ် ဒီတော့ ဆရာပဲ ကြည့်ရွေးလိုက်ပါ ကျွန်တော် အပြင်ခဏသွားလိုက်အုံးမယ် " ပြောပြီး ပျောက်သွားပါလေရောဗျား ..။

ဒါနဲ့ ကျွန်တော်လဲ သူကဝေါ့ပရက်စ် အားကျနေတယ်လေ ဆိုပြီး ဝေါ့ပရက်စ် စတိုင်လေး ရှာဖွေ ပြီး တန်းပလိတ်ပြောင်းမယ် လုပ်မှ သတိရလာတယ် ဘေးကဆိုဒ်ဘားတွေ ကုဒ်တွေယူထားရအုံးမှာပဲ ဆိုတာ အဲဒီအချိန် မန်ယူပွဲကလဲ လာခါနီးနေပြီ ဒီတော့ ပွဲကြည့်ပြီး ပိုစ့်တွေ ဗွီဒီယိုတွေ ပြန်တင်ရအုံးမယ် ဆိုတော့ သကောင့်သားကလဲ ပေါ်မလာ တော့ ဒုက္ခနဲ့ လှလှ တွေ့နေပြီပေါ့..။

ဒီအချိန် ကံကောင်းထောက်မစွာ ပဲ ဘိုးဘိုးအောင်က ပြန်ပေါ်လာပါတယ် .။

"ဆရာ ပြီးပြီလား"?

အင်း မေးပုံကတော့ သူ့အတွက် ထမင်းစားရေသောက် ပုံစံနဲ့ အလွယ်တကူ မေးရက်လိုက်လေခြင်း..။

"ဟေ့ ပြီးသေးဘူး ဆိုဒ်ဘားက ကောင်တွေ ပြန်ထည့်ဖို့အတွက် မင်းကုဒ်တွေ ကူးထားလိုက် ငါဘောလုံးပွဲ လာတော့မယ် ပွဲပြီးမှာနဲ့ မင်းကုဒ်တွေ မှတ်ပြီးမှာနဲ့ အတော်လောက်ပဲ "

အာ တစ်ခါထဲ ပြီးအောင်လုပ်လို့ မရဘူးလားဗျ ? မြန်မြန်လေး လုပ်ပေးပါ တစ်ခါထဲ ပြီးသွားတော့ ကောင်းတာပေါ့ ဗျ..

ကိုယ့်ဖာသာကို လည်ပင်းကြိုးကွင်းစွပ် ရမလား တိုက်ပေါ်က ခုန်ချ လိုက်ရင် ကောင်းမလား လမ်းထိပ် ထွက်ပြီး ရိုင်း မြစ် ကြီးထဲ ကျောက်တုံးဖက် ပြီး ဆင်းသွား ရမလား မသိနိုင်လောက်အောင် စိတ်ညစ်သွားမိတယ်ဗျာ.

"အေးပါ ငါလဲ အမြန်ပြီးချင်တာပဲ ဒါပေမယ့် ကိုယ့်အသင်းဘောပွဲ ရှိတဲ့နေ့ ငါက ဘောပွဲ မကြည့် ပိုစ့်မတင်ပဲ လုပ်ပေးရမှာလား နဲနဲလဲ အားနာပါအုံး. ဆရာလေးရဲ့"..။

"ဟီး ဟီး ဟုတ်ပြီ ဟုတ်ပြီ ဒါဆို ကျွန်တော် ကုဒ်တွေ ကူးထားလိုက်မယ် ဘောပွဲက ဘယ်တော့ပြီးမှာလဲ ဒီနေ့တော့ ပြီးအောင်လုပ်ပေးနော်"..။

ဒီလိုနဲ့ပါပဲ ဘောပွဲပြီးတော့ ပိုစ့်တင် ဘာညာ လုပ်ပြီး တန်းပလိတ် ထည့်လိုက် ပါတယ်..။

ဒါနဲ့ပြီးမယ် ထင်ပါသလား ဒီလို ထင်ရင် မှားသွား မှာပေါ့..။

ထုံးစံ အတိုင်း မုန့်ဟင်းခါး ပြီးတော့ အရည်သောက်လေး တွေက နောက်က ကပ်ပါလာပါပြီ..။

"ဟို ဘန်နာလေး ပြောင်းချင်တယ် ရီဆန့်ကွန်မန့်လေး ထည့်ပေးပါ စီဗောက် ကြီးကြီးလိုချင်တယ် ပိုစ့်ခေါက်တာပါ တစ်ခါထဲ လုပ်ပေးနော်"

ဆိုတဲ့ အမှာ စကားတွေ တစ်လှေကြီး ချွေပြီး အမျိုးကောင်းသားက စက်တော်ခေါ်သွားပါပြီ ဒါနဲ့ ကျွန်တော်လဲ ပရီဗျူးကြည့် အိုကေပြီဆိုတာနဲ့ ဆေ့ဖ် လုပ်ပြီး ဖိုရမ်မှာ လူသစ်တွေ ဝင်လာတာကို နုတ်ဆက် ပိုစ့်တွေ ရီပလိုင်းပြန် နဲ့ မိုးလင်းသွားပြန်ပါလေရော..

အိပ်ရာထပြီးတော့ ကိုယ်လက် သန့်စင် ပြီး ဘလော့ဂ်ကို အဆုံးသတ် လိုတာလေး တွေ ထည့်ပေးမယ် ဆိုပြီး ဖွင့်ကြည့်လိုက်ရော

အီးးးးးးးးးးးးးးးးးးးး

နေဗီဂေးရှင်းဗားပေါ်က အတုံးတွေကော အဲဒီတန်းပလိတ်ထဲပါသမျှ နောက်ခံ ဘက်ဂရောင်း အတုံးတွေ အကုန် မရှိပဲ ဘလော့က ပြောင်ချော်ချော် နဲ့ ဘယ်လိုဖြစ်တာပါလိမ့် ဆိုပြီး ပုံတွေရဲ့လင့်တွေ လိုက်ကြည့်တော့ သူတို့က ရှိတော့ရှိနေတယ် ဒါပေမယ့် လင့်တွေက support မလုပ်ဘူးဖြစ်နေကော ဒါနဲ့ အဲဒီနောက်ခံ တွေ ပုံပေါင်း ၂၀ လောက်ကို ကူး ပြီးတော့ တစ်ခါ အပ်လုပ်ဒ် ပြန်တင် ရလာတဲ့လင့်တွေ ကို သူ့နေရာနဲ့သူ အစီအစဉ် တကျ ပြန်ထည့် နဲ့တစ်နေကုန်ပါလေကော ကြားထဲ ကိုယ်တော်ချောက မပြီးသေးဘူးလား ပြီးရင် ဟိုဟာလေး မမေ့နဲ့နော် ဒီဟာလေးလဲ လုပ်ပေးအုံး ဆိုပြီး သတိက လာလာပေးနေသေးတယ်...။

ဒီလိုနဲ့ပဲ အားလုံး ပြီးသွားတယ် ဆိုပါတော့ဗျာ ..။
အဲဒီတော့မှ လူလဲ သက်ပြင်းကြီး ချပြီး ရုပ်ရှင် တစ်ကားလောက် ကြည့်ပစ်လိုက်တယ်..။

ပြီးသွားတဲ့ အချိန်လဲ ရောက်ကော ကွန်ပြူတာရှေ့ပြန်ထိုင်ရင်းနဲ့ ပိုစ့်တင်ဖို့ စဉ်းစားတာ ဘယ်လိုမှ စဉ်းစားလို့ မရပဲနဲ့ဟိုအရင် တန်းပလိတ် လေးခု ပြင်လိုက်တာ မှာ ရှာရဖွေရနဲ့ တွေ့မိတာလေး တွေ ကခေါင်းထဲ မှာ ရောက်နေတယ် အဲဒါကတော့ ဝေါ့ပရက်စ်မှာ တစ်ချိ့တန်းပလိတ် တွေမှာ သုံးတဲ့ ဆလိုက်ဘားပဲ သူက နောက်ဆုံးတင်ထားတဲ့ ပိုစ့်လေးတွေ က ဆလိုက်ရှိုးလို မျိုးလေး ပိုစ့်က ဓါတ်ပုံ လေးတွေ ပိုစ့်ရဲ့ အစစာလုံးလေး တွေ ခေါင်းစဉ် လေးတွေနဲ့ပေါ်နေတာ အဲဒါကို ကျွန်တော် အသဲ အသန် လိုချင်နေတယ် ဒါပေမယ့် ဘလော့ဂ် စပေါ့မှာ က မလွယ်ဘူးလေ...။

ဒါပေမယ့် သုံးရက်လောက် စမ်းဖို့လုပ်ထားတဲ့ ဘလော့သုံးခုလောက်ပျက်သွား နေ့မအိပ် ညမအိပ် ရူးကြောင်ကြောင်ဖြစ်အောင် စမ်းပြီး သွားတဲ့ အချိန်မှာ အောင်မြင်သွားတယ်ပေါ့ဗျာ..

ဒါနဲ့ ကိုယ့်ဘလော့ဂ် မှာထည့်ပြီး သွားတဲ့ အချိန်မှာ ဖလက်ရှ် ဘန်နာနဲ့ ကျန်တဲ့ တိုလီမိုလီတွေနဲ့ ဆိုတော့ နဂိုကမှ ကိုလင်းထက် ဘလော့ဂ် အရမ်းလေးတယ် ဆိုပြီး ချစ်ပါတယ် ခင်ပါတယ် ဆိုတဲ့ ညီတွေ ညီမတွေက အကိုကြီးက ပိုစ့်မှ မတင်တာကို ဒါကြောင့် မလာတာပေါ့ လို့ အပြောခံနေရတဲ့ ဟာ အခုတော့ ပိုဆိုးပြီ ထင်တယ် ဆိုပြီး ဘာလုပ်ရမလဲ နည်းလမ်းလိုက်ရှာ ရတော့တာပေါ့ ..။

အဲဒီမှာ အမှတ်မထင် တွေ့လိုက်တာလေး ကို အခု ပိုစ့်ကို အချိန်ကုန်ခံ မျက်စိအညောင်းခံ ပြီး လာဖတ်တဲ့သူတွေ အတွက် လက်ဆောင်ပေးလိုက်ပါမယ်..။

သင်တို့လဲ သွားစမ်းလိုက်ကြပါနော်..သူက ဘာတွေ စွမ်းဆောင်ပေးနိုင် သလဲ ဆိုတော့ သူ့ ဆိုဒ်ကို ရောက်ပြီ ဆိုရင် ဘာမှ လုပ်စရာမလိုပါဘူး အကိုတို့ အမတို့ ညီတို့ညီမ တို့ရဲ့ ဘလော့ဂ် လိပ်စာ ကိုထည့်ရိုက်ပေးလိုက်ရုံပါပဲ..ပြီးရင် ရိုဘော့လား လူလား စစ်တဲ့ ဆေ့ဖ်တီး ကုဒ်လေး တွေ အပေါ်မှာ ပြထားသလို အကြီးအသေး ထပ်တူရိုက်ထည့် ပေးပြီး ရင်တော့ သူက စစ်ပါပြီ ပေးလိုက်တဲ့ လိပ်စာရဲ့ ဒေါင်းလုပ်လုပ်ရမှာ ကြာချိန်တွေ ဘယ် css တွေများနေတယ် ဘယ် HTML ကဖြစ့် အန္တရယ် ဖြစ်လောက်အောင် များနေတယ် အို ကုန်ကုန်ဗျာ သင့် ဘလော့က ကျော်လွန်နေတဲ့ ဟာတွေကို သူက အကုန် လိပ်စာနဲ့ နာမည် နဲ့ တကွ ပြမယ် အဲဒါလေး တွေကို ကိုယ့်ဖာသာချင့်ချိန်ပြီး မရှိမဖြစ် အရေးပါတဲ့ Java နဲ့ပုံတွေလောက်ပဲ ထားမယ် ဆိုရင်တော့ သင့်ဘလော့ဂ်လေး ဟာ လူတိုင်းအလွယ်တကူ ဖတ်ရှုနိုင်မယ် ဖြစ်ပါကြောင်း နားရက် ၁၅ ရက်လောက် ပျောက်သွား ရတဲ့ အကြောင်းလေး ရင်ဖွင့်လိုက်ပါတယ် ဗျာ..။

ဟောဒီမှာ ဒီမျှားပုံလေး ကို နှိပ်ပြီး တော့သာ ကိုယ့်ဘလော့ဂ် ရဲ့ Loading ဝိတ်တွေ ဘယ်လောက် များနေပြီလဲ ဆိုတာ သွားရောက် စမ်းသပ်ပြီး ထွက်လာတဲ့ အဖြေကို ကြည့်ပြီး သူတွက်ချက်ပေးလိုက်တာ လေးတွေကို ကြည့်ပြီး ဝိတ်လျှော့ ကြပေတော့ဗျို့ အားလုံးပဲ ပေါ့ပါးသွက်လက်တဲ့ ဘလော့ဂ်လေးတွေ ပိုင်ဆိုင်နိုင်ကြပါစေ..။

Read More

ခြောက်သွေ့သွားတဲ့ ခံစားချက်

တစ်ခုလောက် တော့ကိုယ့်ကိုပြောခွင့်ပြုပါ

ကိုယ်မင်းကို ပြောခဲ့ဖူးရင် ပြောခဲ့ဖူးမယ်
ကိုယ်ဟာ ဆာလောင်မွတ်သိပ် နေသူတစ်ယောက်ပါလို့

ဒါမှ မဟုတ် အချစ် နန်းတော် ကြီးထဲမှာ
ဘုရင် မင်းတရားကြီး လုပ်ချင်နေသူပါ လို့

ဒါပေမယ့် မင်းပေးခဲ့ တာတွေက
ဟင်းချိုမပါ အတို့အမြုတ် မပါ တဲ့
ထမင်းဝိုင်း တစ်ခုလို ခြောက်ကပ်လို့

ကိုယ်သိမ်းပိုက် ခဲ့မိတဲ့ နန်းတော်ကြီးကလဲ
မေတ္တာ စမ်းချောင်းတွေ ခြောက်ခမ်း နေတဲ့
ကန္တာရ အလည်က မိုးခေါင်ရေရှား ရပ်ဝန်းမှာ
တည်နေတဲ့ နန်းတော်ကြီးတစ်ခု ဖြစ်လို့ပေါ့

ဒီတော့ ကိုယ်ပြောချင်တာ က
ကိုယ် ဆာလောင်မွတ်သိပ် မှုတွေကို
သိနိုင်တဲ့ ခံစားချက်တွေ မရှိတော့တဲ့ အတွက်
မင်းရဲ့ ခြောက်သွေ့နေတဲ့ ထမင်းဝိုင်းကို
မစား နိုင်တော့တာ ခွင့်လွှတ်ပါ

ခြောက်သွေ့နေတဲ့ နန်းတော်ကြီးထဲမှာ
ဆက်ပြီး ပူလောင်မှုတွေ နဲ့နန်းသက် မရှည်ပါရစေနဲ့တော့
ကိုယ့်ရဲ့ ခံစားချက်တွေ အားလုံးသေဆုံးခဲ့ ပြီးပါပြီ..

Read More

နှစ်သစ်ကူးနည်း

၂၀၀၉ ခုနှစ် နှစ်သစ်ကြီးသို့ ရောက်တော့မည် ဒီတော့လဲ ဘာရယ် ညာရယ် မဟုတ် ဂျီတော့ ထဲက မက်ဆေ့ဂ်ျ မှာ ၂၀၀၉ ခုနှစ် နှစ်သစ်ကြီးမှာ ဘော်ဘော်တွေ အားလုံးပျော်ရွှင်ချမ်းမြေ့ကြပါစေ လို့ ဆုတောင်းစာလေး ရိုက်ပြီး တင်ထားလိုက်တယ် ခဏပါပဲ မကြာပါဘူး ညီငယ် တစ်ယောက်က အားကျ မခံ ၂၀၀၉ ခုနှစ် နှစ်သစ်ကြီးမှာ ဘော်ဘော် တွေအားလုံး နှစ်တောင့်ထိုး ဓါတ်မီးလို လင်းနိုင် ကြပါစေဆိုပြီး မက်ဆေ့ဂ်ျ ပြန်ရေးလာတယ် ဟက် ဟက်..။

ဒါနဲ့ပဲ နှစ်သစ်နဲ့ ဘော်ဘော်တွေ ဘော်ဘော်တွေ နဲ့ နှစ်သစ် လုံးလည်ချာလပတ်ရမ်း တဲ့ အတွေးတွေ နောက်မှာတော့ ကျွန်တော့ ဘော်ဘော် တစ်ယောက်ရဲ့ နှစ်သစ်ကူးနည်း လေး ကို သွားပြန်သတိရ သွားတယ်ဗျ..။

သူ့နှစ်သစ်ကူးနည်းက ဘလော့ဂ်ဂါ ကိုကို ညီညီ တွေ ကတော့ သဘောကျနိုင်လောက်ပေမယ့် ဘလော့ဂ်ဂါ မမ နဲ့ ညီမငယ် တွေကတော့ နှစ်သစ်ကူးည မှာ လူစုလူဝေး ရှိတဲ့ နေရာသွားရင် အတော်လေး သတိကြီးစွာနဲ့ လူကြောက်တဲ့ ရောဂါ စွဲကပ်သွားနိုင်လောက်တဲ့ နှစ်သစ်ကူးနည်းပါ.....။

ကဲ... အားလုံး စိတ်ဝင်စားသွား ကြပြီထင်ရဲ့ ဟဲ...ဟဲ

ဒီလိုဗျ............

ကြယ်ဇင်သော် တစ်ယောက် အထူးစိတ်လှုပ်ရှားနေမိတယ် ဘာကြောင့်လဲ ဆိုတော့ သူ စိတ်ကူးယဉ် ခဲ့ဖူးတဲ့ နှစ်သစ်ကူး ကိုဆင်နွဲနိုင်ဖို့ သူ့ကို လောကကြီး က အခွင့်အရေး ပေးလာလို့ပဲ...။

သူ လဲ လူငယ်ပီပီ နှစ်တစ်နှစ်ရဲ့ နောက်ဆုံး ရက်ဖြစ်တဲ့ ဒီဇင်ဘာ၃၁ ရက် ဆောင်းညတိုင်းလိုလို မှာ တစ်ညလုံး သူငယ်ချင်းတွေ နဲ့စုဝေးပြီး နှစ်ကူးခဲ့ဖူးပေါင်း များပါပြီ ဒါပေမယ့် သူ့ရဲ့စိတ်ကူးယဉ် နှစ်သစ်ကူးအိပ်မက် တစ်ခု ရှိတယ် အဲဒါ ကို နှစ်ပေါင်းများစွာ စောင့်ဆိုင်းလာခဲ့တာ ဒီတစ်ခါတော့ ပြည့်လုပြည့်ခင် လေးဖြစ်နေပြီလေ...။

သူ အခုရောက်ရှိနေတဲ့ နေရာက နယူးယောက်မြို့ရဲ့ မြို့လည်ခေါင်မှာ ရှိတဲ့ သဘာဝဥယျာဉ်ကြီး ထဲက နှစ်သစ်ကူး ပွဲကျင်းပမယ့် နေရာမှာပေါ့ အရင်နှစ်တွေက မြန်မာပြည် မှာနဲ့ သင်္ဘောပေါ် ရောက်နေစဉ်က သင်္ဘောပေါ်တွေ မှာသာ နှစ်ကူးပွဲတွေ ကျင်းပခဲ့ ရရာက ဒီနှစ်တော့ ကြုံတောင့် ကြုံခဲ နယူးယောက်မှာ သင်္ဘောကမ်းလာကပ်ပြီး ကမ်းဆင်းခွင့် ရခဲ့တာကြောင့် ဒီ ဥယျာဉ် ကြီးထဲမှာ သူ့အိပ်မက် ကို အကောင်အထည် ဖော်ဖို့ အဖော်တစ်သင်းနဲ့ ချီတက်လာခဲ့ခြင်း ဖြစ်ပါတယ်..။

သူတို့ ရောက်တော့ လူတွေကလဲ များမှများ နှစ်ကူးဖို့ အချိန်ကလဲ အတော်လေး နီးကပ်နေပါပြီ ဒါနဲ့ သူလဲ ကမန်းကတမ်း သူ့ရဲ့ ပစ်မှတ် ကို ရှာဖွေလိုက်တော့ မိန်းကလေး တစ်အုပ်စု ထဲက တော်တော်လေး ချောတဲ့ ကောင်မလေး တစ်ယောက်ကို သွားတွေ့ပါတယ်..။

သူလဲ အဲဒီအုပ်စု နား အသာကပ် သွားပြီး ကောင်မလေး ကို ပြုံးပြရင်းနဲ့ ဟယ်လို လို့နုတ်ဆက် လိုက်ပါတယ်..
ကောင်မလေးကလဲ ပြန်ပြုံးပြ ပြီး ဟယ်လို လို့ပြန်နုတ်ဆက် သဗျ..
ဒါနဲ့ ကြယ်ဇင်သော်လဲ ပီတိတွေ ဖြစ်ပြီး ပြုံးပြုံးကြီးနဲ့ ရှေ့ရေးကို တွေးပြီး ကျေနပ်စွာ မိန့်မိန့်ကြီး ပြုံးလို့ပေါ့..။

စတိတ်ရှိုးစင် ကြီးရဲ့ နဖူးစည်းပေါ် မှာ တင်ထားတဲ့ ဒစ်ဂျစ်တယ် နာရီကြီးကလဲ နှစ်ကူးမယ့် အချိန်ကို တဖြည်းဖြည်းချင်း ရေတွက်လို့ပေါ့ ကြယ်ဇင်သော်လဲ ကောင်မလေးနား နီးသထက် နီးအောင် တိုးတိုးပြီး ကပ်သွားလိုက်ပါတယ်..။

အဲဒီလို နဲ့ ဒစ်ဂျစ်တယ် ဂဏန်းတွေ 00:00 ဆိုပြီးတော့ ပြလိုက်တဲ့ အချိန်မှာပဲ လူတွေ အားလုံး ဟက်ပီနယူးရီးယား လို့အော်သူတွေကအော် မီးရှုးမီးပန်းတွေ ဖောက်တဲ့လူကဖောက် ချစ်သူတွေလဲ တစ်ဦးကို တစ်ဦး နှစ်သစ် အနမ်းလက်ဆောင် တွေ ပေးနေကြတဲ့ အချိန်မှာပဲ ကျွန်တော်တို့ ဇာတ်လိုက်ကျော် ကြယ်ဇင်သွေး ကလဲ သူ့ အိပ်မက် ထဲက နှစ်သစ်ကူး ကို လက်တွေ့ အကောင် အထည် ဖော်လိုက်ပါတယ်..။

အနားမှာ ကပ်နေပြီ ဖြစ်တဲ့ ကောင်မလေးကို ကြယ်ဇင်သော် တစ်ယောက် မိမိ ချစ်သူ ပမာ သဘောထား ပြီး ကောင်မလေး ရဲ့ နုတ်ခမ်း အစုံကို မိမိ ရရကြီးကို နမ်းစုတ် လိုက်ပါတယ်..။

ကောင်မလေး လဲ အံသြတစ်ကြီးနဲ့ အကြောင်သား ငေးကြည့်လို့ ရုန်းထွက်ဖို့ သတိမရ ဖြစ်သွားဟန်တူရဲ့
ကြယ်ဇင်သော်နဲ့ လိုက်လာတဲ့ တစ်အုပ်စုလုံးလဲ အားလုံး မျက်လုံး အပြူးသား ငေးကြည့်လို့....
အဲဒီ ထဲမှာ ဘာမှ မဖြစ်သလို နဲ့ ခပ်တည်တည် သူမဟုတ်သလို ပြန်ပြီး စတိတ်ရှိုးကို စိတ်ဝင်စားသလို ပြန်ကြည့်နေတာကတော့ ကြယ်ဇင်သော်ပါ...။

ဒါပေမယ့် ဘာမှမဖြစ်သလိုနေလို့ ကတော့ မရတော့ပါ..

ကောင်မလေး ကအခုမှ သတိပြန်ဝင်လာပြီး ဘလာ .. ဘလာ... တွေ လာတော့တာပေါ့..
ကောင်မလေး သူငယ်ချင်းတွေလဲ ဝင်ပါလာပြီ ဘေးပါတ်ဝန်းကျင်တွေကလဲ စူးစမ်းတဲ့ မျက်ဝန်းအကြည့်တွေနဲ့ ဝိုင်းကြည့်လို့ပေါ့...။

ခဏနေတော့ ပွဲလုံခြုံရေး တွေ ရောက်လာပြီး ကောင်မလေး တွေပြောတာတွေ နားထောင်ပြီး ကြယ်ဇင်သော် ကို ပွဲလုံခြုံရေး စခန်းကို ဆွဲခေါ် သွားပါတော့တယ်...

လုံခြုံရေး စခန်း ကိုသွားရာလမ်းတစ်လျှောက် မှာ ကြယ်ဇင်သော် ဒီလို စိတ်ကူးယဉ်နှစ်သစ်ကူး မိအောင် လှုံ့ဆော် ခဲ့တဲ့ သူတို့လမ်းထဲက နိုင်ငံခြားပြန် အောင်ဝေဖြိုး ရဲ့ စကားသံ တွေကိုသာ ကြယ်ဇင်သော့် နားထဲ ကြားယောင်မိနေလေရဲ့...။

"ဟေ့ ကြယ်ဇင်သော် ရေ မင်းလေ နိုင်ငံခြားများ ရောက်လို့ နှစ်သစ်ကူးပွဲ နဲ့များတိုးရင်လေ မင်းတော့ ပွပြီလို့သာ အောက်မေ့လိုက် ကိုယ့်လူရေ"..။

"ငါရောက်ခဲ့တုန်းကလေ နှစ်သစ်ကူးပွဲနဲ့ တော့ကြုံပါရဲ့ ကံများ မကောင်းချင်တော့ နှစ်ကူးခါနီး အပေါ့သွားချင်တာနဲ့ ခဏလေး သန့်စင်ခန်း ဝင်လိုက်တာ ပြန်ထွက်လာတော့ နှစ်သစ်ကူး နေပြီကွ အဲဒီမှာကွာ ငါလဲ အတော်လေး ရင်ထုမနာ ဖြစ်သွားရတယ် ကိုယ့်လူရေ ..
ကောင်လေး တွေကကွာ ဘေးမှာ ရှိတဲ့ ကောင်မလေး တွေကိုလေ နုတ်ခမ်းချင်း တေ့ပြီး နမ်းလိုက်တာများ အကုန်လုံး လိုလိုပါပဲကွာ ငါတော့ ဘေးမှာ ဘယ်သူမှ မရှိလို့ မနမ်းလိုက် ရဘူးကွ ..

ဒီတော့ နိုင်ငံခြားများ ရောက်လို့ နှစ်သစ်ကူး နဲ့ကြုံရင် ငါ့လို အခွင့်အရေး လက်မလွတ်စေနဲ့"...............။

ဆိုတဲ့ စကားများကို နားထဲ ကြားယောင် ရင်း ကြယ်ဇင်သော် တစ်ယောက် !!!!!

ကဲ ဘလော့ဂ်ဂါ ကိုကို ညီညီ တို့ ကြယ်ဇင်သော့် လိုတော့ ယောင်ပြီး အဲလို နှစ်သစ်ကူးမယ် မကြံကြနဲ့နော် ဟဲ ဟဲ ဘလော့ဂ်ဂါ မမ ညီမ တို့လဲ နှစ်သစ်ကူး ပွဲသွားရင် ကိုယ့်နား တစ်စိမ်း ကပ်လာရင် ကြယ်ဇင်သော့်လို နှစ်ကူးမယ့် လူဖြစ်နေအုံးမယ် သတိထားကြ ဟက် ဟက်...။

အားလုံးသော လာရောက်လည်ပတ်သူ အပေါင်း ၂၀၀၉ ခုနှစ် နှစ်သစ်ကြီးမှာ စိတ်၏ ချမ်းသာခြင်း ကိုယ်၏ ကျန်းမာခြင်းများ နဲ့ပြည့်ဝ ကြပါစေလို့ ဆုတောင်း မေတ္တာပို့သအပ်ပါတယ် ဗျာ..။

Read More

myanmar genius forum

ဒီနေ့ အလုပ်က ပြန်အရောက် မေးလ်ဖွင့် ကြည့်လိုက်တော့ မေတ္တာရပ်ခံပန်ကြားချက် ဆိုတာတွေ့လိုက်ရတော့ အကြွေးရှင်များ အကြွေး တောင်းခံလွှာ ပို့လားလို့ လန့်သွားတာပဲ

နောက်မှ ညီတော်မောင် ဘလက်ဒရင်း က သူ ကြိုးစားတည်ထောင် ထားတဲ့ ဖိုရမ်လေး ကို ၂၀၀၉ ခုနှစ် ဇန်နဝါရီလ ၁ ရက်နေ့မှာ နှစ်သစ် နဲ့ အတူ ဖိုရမ် လေးကို ဖွင့်လှစ်မှာ မို့လို့ အကြောင်းကြားတဲ့ စာဖြစ်နေတော့ မှ ဟင်းကနဲ သက်ပြင်းချလိုက် နိုင်ပါတော့တယ်..။

ဒီတော့ သူကြိုးပမ်း တည်ထောင်ထားတဲ့ ဖိုရမ် လေးကို လေ့လာနိုင်အောင် ကြော်ငြာပေး ပါရစေ သူ ဒီဖိုရမ်လေး ကို ဖြစ်လာချင်လွန်းလို့ သူ့ဘဝ ရဲ့ အကျပ်တည်း ဆုံးလို့ ခေါ်လို့ ရနိုင်တဲ့ အချိန်မှာတောင် ပြဿနာတွေ အားလုံး ကို ခေါင်းထဲက ထုတ်ထားပြီး နေ့မအိပ် ည မအိပ် အကောင်းဆုံး အစုံလင်ဆုံး ဖြစ်အောင် သူကြိုးပမ်းခဲ့ တာပါ ဒီတော့ သူဘယ်လို အားထုတ် ကြိုးပမ်း ထားသလဲ ဆိုတာ သွားရောက် လေ့လာ ကြစေချင်ပါတယ် ခင်ဗျာ..။

သွားချင်ရင်တော့ လွယ်ပါတယ် အောက်က ပုံလေးကို ပဲ ဖြစ်ဖြစ် ကျွန်တော့် ဘလော့ဂ်ညာဖက် ဆိုဒ်ဘားက ပုံလေးကိုပဲ ဖြစ်ဖြစ် နှိပ်လိုက်ပါ သင့်ကို myanmargenius forum ကလှိုက်လှဲစွာ ကြိုဆိုနေမှာပါ..။

အောက်က အကြောင်းကြားစာလေးက တော့ ညီတော်မောင် ရဲ့ မူရင်း အကြောင်းကြားစာလေးပါဗျာ ကဲ ဖတ်ပြီးရင်တော့ သွားဖြစ်အောင် သွားလိုက်နော်...။

စက္ကန့် နှင့်အမျှပြောင်းလဲနေတဲ့ ကျွန်တော်တို့ ရဲ့ ၂၁ ရာစုခေတ်ထဲမှာ အသိပညာ၊ အတတ်ပညာ များဟာ အချိန်နဲ့အမျှ တိုးတက်ပြောင်းလဲလို့ လာနေပြီ ဖြစ်ပါတယ်...။ ဒီလိုတိုးတက်ပြောင်းလဲနေ တဲ့ နည်းပညာများ၊ အသိပညာများကို မျက်ခြေမပြတ်လိုက်နိုင်ဖို့ ဆိုရင်တော့ ကျွန်တော်တို့ ရဲ့ မျက်စိတွေ၊ နားတွေကို အစွမ်းကုန် ဖွင့်ထားဖို့လိုပါလိမ့်မယ်...။

ထို့ကြောင့် ကျွန်တော်တို့ သိထား၊ တတ်ထားသည်များကို ဝေမျှရန်၊ မသိသေးတာတွေကို မေးမြန်း၊ တိုင်ပင်ကြနိုင်စေရန်အတွက် ကျွန်တော်တို့ ရဲ့ Myanmar Genius Forum ကိုတည်ထောင်လိုက်ခြင်းရခြင်း ဖြစ်ပါတယ်...။ အားလုံးပူးပေါင်းပါဝင်လက်တွဲပြီး ကျွန်တော်တို့ ချစ်သောနိုင်ငံနှင့် အနာဂတ်အတွက် မိမိကျရာအခန်းအခန်းကဏ္ဍမှ ပါဝင်ကြိုးစားရင်း မိမိတို့ရဲ့ တိမ်မြုပ်နေသော အရည်အချင်းများကို ထုတ်ဖော်ပြသကြဖို့ ကျွန်တော်တို့ရဲ့ Myanmar Genius ၀ိုင်းတော်သားများမှ လေးစားစွာ ဖိတ်ခေါ်၊ ကြိုဆိုပါကြောင်း အသိပေး အပ်ပါသည်။

ကျွန်တော်တို့ ရဲ့ Forum မှာ Member များအဖြစ် ပါဝင်လက်တွဲကြမယ့် Genius များအတွက် အောက်ပါအစီအစဉ်များကိုလည်း ပြုလုပ်ထားပါတယ်...။

Novice Member (0 Post to 50) - Download Role

Beginner Member (50 Posts to 100 Posts) - Wordpress with subdomain (yourdomain.myanmargenius.com)

Permanent Member (100 Posts to 500 Posts) - Wordpress+Subdomain+ FTP account with Database

VIP Member & Special Member - (Wordpress, Joomla, Phpbb3, Icyphoenix, Vbulletin) + Subdomain + FTP account with Database

စသောအစီအစဉ်များနှင့် အခြားသော အစီအစဉ်ပေါင်းများစွာကို အခမဲ့ အသုံးပြုခွင့် ပေးသွားမှာ ဖြစ်ပါတယ်။

Read More

ခရစ်စမတ်အတွက်ပြင်ဆင်ခြင်း.။

ကျွန်တော် အလုပ်က နှစ်ပတ် နားစဉ်ကတော့ ဘလော့ဂ်တွေ လည်ဖြစ်ခဲ့ပါတယ်..။
အခုတော့ အလုပ်ပြန်ဝင်နေပြီ ဆိုတော့ ဘလော့ဂ်လဲ မလည်နိုင် ပိုစ့်လဲ မတင်နိုင် ဖြစ်နေပါတယ်..

လောလောဆယ်တော့ ကျွန်တော် တို့ ဆိုင်မှာ ခရစ်စမတ် အတွက် အလှဆင် နေတာ လေးတွေကိုပဲ ဓါတ်ပုံ လေးတွေက တစ်ဆင့် ခံစားသွား ကြပါအုံး ခင်ဗျာ...။

ခရစ်စမတ်သစ်ပင်ကြီးတော့ရောက်လာပြီ.။

ဒီနေရာမှာထားမယ်..။

ထောင်ဖို့အတွက်ဒီလိုတိုင်စိုက်

ပြီးတော့ဝိုင်းပြီးအပင်စိုက်လိုက်ကြပြီ..။

လှေခါးနဲ့တက်ပြီးမီးလုံးတွေဆင်နေတာပါ..။

ကျန်တဲ့သူတွေလဲပြင်ကြဆင်ကြပေါ့..။

အားလုံးပြီးသွားတော့ညဦးပိုင်းမီးစထွန်းပြီ..။

စန်တာကလော့ကြီးလဲ သူ့စီးတော်ယာဉ်ကြီးနဲ့..။

အဝေးကမြင်ကွင်း..။

နှင်းတွေကလဲကျလို့ပေါ့

နှင်းကြားထဲကခရစ်စမတ်သစ်ပင်ကြီး

Read More

ဒီကစောင့်နေသူ

ဒီနေ့ ရုံးကို လူသစ် တစ်ယောက် အလုပ် စဆင်းတယ်...

သူက သစ်သမှ သိပ်သစ် တစ်ခါဘူးမှ ရုံးတွေ မှာ မလုပ်ဖူး သေးဘူး...

ဒီတော့ မန်နေဂျာ က လူသစ် လေးကို ကူညီဖို့ တစ်ရုံး လုံး ကို မှာထားလေရဲ့....

နေ့လည် ချိန်လောက် မှာ ရုံးက စာရွက် တွေ ဖျက်ဆီး တဲ့ စက်ဘေး မှာ လူသစ် ကလေး ကို စာရွက် တွေ ကိုင်ပြီး အလုပ် ရှုပ်နေတာကို တွေ့လိုက်ရတယ် စက်ကို ဟိုကြည့် လိုက် ဒီကြည့်လိုက် နဲ့ပေါ့ အတော် လေး အကြံအိုက် နေပုံပဲ ဒါနဲ့ပဲ........

ကျွန်ုပ်၊ ၊ညီလေး အကူအညီလိုလား မသိဘူး ဘာအခက် အခဲ ရှိလို့လဲ?

လူသစ်၊ ၊ဒီစက် ကို ဘယ်လို အသုံးပြုရမှာလဲ ဟင်?
ကျွန်တော် ဖွင့်တာ ဖွင့်လို့ မရဘူး ဖြစ်နေလို့၊

ကျွန်ုပ်၊ ၊အော် ဒါလား လွယ်ပါတယ် ဟောဒီမှာ ပလပ်ပေါက် ကို ထိုးလိုက် ပြီးရင် ဒီခလုပ်ကို ဖွင့်လိုက် နောက်တော့ ဒီအပေါက်လေးထဲကို စာရွက်တွေ ထည့်လိုက် ။

လူသစ်၊ ၊ဟုတ်ကဲ့ ကျေးဇူးပဲ အကိုရေ အခုလို သိသွားတော့ လဲ စက်အသုံးပြုရတာ လွယ်လွယ်လေးပဲ....

၁၅ မိနစ်ခန့်ကြာသော်........၊

လူသစ်လေး တစ်ယောက် စက်အနီး တွင် လှည့်ပတ်ကြည့်နေဆဲ......

ကျွန်ုပ်၊ ၊ အဆင် မပြေဘူးလား? စက် က အလုပ်မလုပ် ဘူးလား ဘာအခက်အခဲ တွေ့နေလဲ?

လူသစ်၊ ၊ စက်ကအလုပ်လုပ် ပါတယ် ခင်ဗျ၊
ဒါပေမယ့် ကျွန်တော် မိတ္တူကူး လိုက်တဲ့ စာရွက်တွေ ဘယ်က ထွက်လာမှာလဲ မသိလို့ အပေါက်လိုက်
ရှာနေတာပါ ခင်ဗျာ...။

{ကျွန်တော် ဖတ်ခဲ့ ဖူးတဲ့ သတင်းစာထဲက ဟာသ လေးတစ်ပုဒ်ပါ...။}

Read More

အေး ဓါးပြ

ရှေးလူကြီး တွေ ပြောစကား ကြားဖူးပါတယ် အေး ဓါးပြ တဲ့ ...။
အေး ဓါးပြ ဆိုတာ အေးကွာ မင်းရဲ့ဓါးငါ့ကို ပြပါ လို့ပြောတာ မဟုတ်ပါဘူး..။
လက်နက် မပါ အကြမ်း မဖက်ပဲ သူများ ရဲ့ ဥစ္စာ ပစ္စည်း တွေ ကိုလုယူတဲ့ သူတွေကို အေးဓါးပြ လို့ခေါ်တာပါ...
ကျွန်တော် တို့ မြန်မာနိုင်ငံသူနိုင်ငံသား တွေ ကတော့ ပြောစရာ မလိုတော့ လောက်အောင်ကို အေးဓါးပြ အကြောင်း နောကျေ နေပြီးသား ဖြစ်မှာပါ ဘာလို့ဆို နိုင်ငံအတွင်း မှာက အေးဓားပြ ပေါင်း သောင်းခြောက်ထောင် ကိုးဗျ...

ဗျာ~~ မဟုတ်ဘူး ?? သူတို့က သူတောင်းစားတွေ ဟုတ်စ....
နိုး,နိုး,နိုး..... သူတောင်းစား ဆိုတာ တောင်းတယ် မရရင်လဲ အန္တရာယ် မပြုဘူးဗျ...
သူတို့ကတော့ ကောင်းကောင်း မိတ်ဆွေ တို့ကို အနှောင့်အယှက် ပေးနိုင်တယ် ဗျ....

ကဲ ထားပါတော့ဗျာ ကျွန်တော် ကြုံဖူးတဲ့ ရွှေနိုင်ငံ ရဲ့ ပြင်ပက တစ်ခြားနိုင်ငံ တစ်ခုက အေးဓါးပြ တွေ အကြောင်း ပြောပြ ပါရစေ ဘယ်သူသာလို့ လုပါတော့ နိုင်ဆို တာကတော့ စာဖတ်သူ အပေါင်း တို့ ကိုယ့်ဖာသာ ကိုယ်သာ စဉ်းစား ချင့်ချိန် ကြည့်ကြပါတော့ဗျာ..။

သင်္ဘော လိုက်တဲ့ တစ်လျှောက် ပေါ့ဗျာ တစ်ခြား ကျွန်တော် ရောက်ဖူး သမျှ နိုင်ငံ တွေ အတော် များများ မှာ ဘယ်နိုင်ငံ မဆို ကာစတန် ဆိုတာ ရှိကြတာပဲ ဒါပေမယ့် တစ်ချို့ နိုင်ငံတွေ မှာ ကာစတန် တွေ လဝက တွေ သင်္ဘော ပေါ် မလာလို့ မြင်တောင် မမြင် ဖူးဘူးဗျ ဥပမာ စင်္ကာပူ ပေါ့ဗျာ.....။

အဲ အိန္ဒိယ ကတော့ နိုင်ငံချင်း နီး သမိုင်းကြောင်းပဲ ဆက်စပ် နေလို့လား မသိဘူး ကိုရွှေနိုင်ငံ ကြီးက ဓါးပြ ဂိုဏ်းတွေ နဲ့ အတော်တူ သဗျ....

သူတို့ရဲ့ လုပုံ ယက်ပုံ အေးဓါးပြ တိုက်ပုံ လေးတွေ က ဒီလိုခင်ဗျ...

သင်္ဘော ကမ်းကပ် ပြီး နာရီဝက် လောက် ဆိုရင် ဒီကောင်တွေ ဟိုက်အေ့စ် လိုကားမျိုး ကြီးနဲ့ အဖွဲ့လိုက် ချီတက်လာကြပါပြီ..။

ပြီးရင်တော့ အိပ်ကြီးအိပ်ငယ် တွေနဲ့ပေါ့ဗျာ အပေါ်ကို တက်လာပြီး သူကြီး အခန်း ကို တန်းတက် တော့တာပါပဲ အဲဒီမှာ ညှိနှိုင်း ဆွေးနွေးပွဲတွေ လုပ်ကြပေါ့ ဗျာ ဂျော်နီ လမ်းလျှောက် ဘယ်နှစ်လုံး မာလ်ဘိုရို ဘယ်နှစ်တောင့် ဟန်နီကမ် ဘယ်နှစ်ကေ့စ် ဆိုပြီး ဈေးခေါ်တော့ တာပဲဗျာ အဲဒီလို ဆိုလို့ ကျွန်တော် တို့ သင်္ဘောမှာ ဘာမဟုတ်တာတွေ လုပ်ထားလဲ ဆိုပြီး မထင်နဲ့နော် ဘာမှ မလုပ်ဘူး အဲ မလုပ်ရင် မပေးနဲ့ပေါ့ လို့ ပြောချင်ရင်တော့ မရလို့ပေါ့ဗျာ သိရဲ့သားနဲ့.......။

အဲ ဒီကောင်တွေ လိုတာ ရသွားပြီ ဆိုရင် တော့ အေးအေး ဆေးဆေး ပါပဲ စားသောက်ခန်း ထဲမှာ ဆင်းရဲသားကား ဖွင့်ခိုင်းပြီး စားချင်တာ တွေ မှာစား ဘီယာ အရက် တွေသောက်(သူတို့တောင်းထားတဲ့ ဟာက ပါဆယ်ပါ ဒီမှာသောက်တာက သပ်သပ် ထပ်ပြီး တိုက်ရတာပါ)ပြီးဇိမ်ခံ ကြတော့တာပါပဲ..။

အဲဒီလို သူတို့ ရှိနေရင် သင်္ဘောသားတွေ ဘယ်သူမှ စားသောက်ခန်းထဲ မသွားချင်ပါဘူး တစ်နေ့တော့ ကျွန်တော်လဲ ဂျူတီပြီး တော့ ဗိုက်ကအရမ်းဆာ နေတော့ မသွားမဖြစ် စားသောက်ခန်းထဲ သွားရပါတော့တယ်...

အဲဒီမှာ တွေ့ပါပြီ ကျွန်တော် လဲ စားသောက်ခန်းထဲ ဝင်လိုက်ရော သူတို့ထဲ ကတစ်ကောင်က Chief Cook ကိုချာလီ ကို ရစ်နေပါတယ် ကျွန်တော့် ကိုမြင်တော့လဲ စကားတွေလိုက်ပြောရင်း လူကို ခြေဆုံးခေါင်းဆုံး အပြန်ပြန်အလှန်လှန် ကြည့်နေတာပေါ့ဗျာ နောက်တော့ ဘာလုပ်တယ် အောက်မေ့လဲ ကျွန်တော့ အင်္ကျီအိပ်ထဲ မပြောမဆို လှမ်းနှိုက်တယ်ဗျ အဲဒီမှာဗျာ အိပ်ထဲမှာက ဘာမှ တန်ဖိုးမရှိတဲ့ ဂက်စ် မီးခြစ်လေး ရှိနေတာ ပါသွားပါလေရော ပြီးတော့ ဘာပြောတယ် အောက်မေ့လဲ ငါ့ မီးခြစ် ဂက်စ် မရှိတော့လို့ ဒါလေး ပေးလိုက်ပါတဲ့လေ အတော်လေး သနားစရာကောင်းတဲ့ ကောင်ဗျာ အဲဒါနဲ့ ယူကွာ လို့ပြောလိုက်တာပေါ့ ....

ဒါက တစ်ခါ နောက်တစ်ခါကတော့ ဒီလို ခရစ်စမတ်နား နီးတဲ့ အချိန်ပဲဗျ ကျွန်တော် အခန်းထဲ မှာ အိပ်နေတဲ့ အချိန်ပေါ့ အခန်းထဲကို ဝုန်းဝုန်း ဒိုင်းဒိုင်း နဲ့ဝင်လာကြတယ် စက္ကန်းမိတ် (ဒုတိယ အရာရှိပေ့ါ )လဲ ပါတယ်ဗျ အခန်းကတော့ သော့ခတ်ထားတာပေါ့ဗျာ ဒါပေမယ့် သူကြီးဆီမှာက အခန်းတိုင်းရဲ့ သော့အပိုတွေ ရှိတယ်လေ အဲဒီနေ့က သူကြီးက ဘယ်လိုပေးပေး သူတို့က စစ်မယ် ဆိုပြီး အခန်းပေါက်စေ့ လိုက်ဖွင့်တာဗျ...။

အဲဒီလိုနဲ့ ကျွန်တော်လဲ အိပ်ချင်မူးတူးနဲ့Declare စာရွက် (နိုင်ငံတစ်နိုင်ငံကို ဝင်ရင် ကိုယ့်မှာ ဘာပစ္စည်း တွေ ရှိတယ် ဆိုတာ ကြော်ငြာတဲ့ ဖောင်) ကို ပြပါတယ် ..သူတို့ကလဲ စာရွက်ထဲက စာရင်းနဲ့ကျွန်တော့ အခန်းထဲက ပစ္စည်း တွေနဲ့တိုက်ကြည့် နေပါတယ် အဲဒီမှာ ပြဿနာ တက်နေတာက ဗွီစီဒီ အခွေ တွေပါ သူတို့က မင်းအခွေ တွေ အရမ်းများတယ် ဆိုပြီး ထပ်တလဲလဲ ပြောနေပါတယ်......

ကျွန်တော် ကလဲ..

"ဟ မင်းတို့မှာ အခွေ ဘယ်လောက်ပဲ ရှိရမယ် လို့သတ်မှတ်ချက်မှ မရှိတာ ငါ ကြော်ငြာထားရင် ပြီးတာပဲ" လို့ပြောပါတယ်..

ဒါလဲ မရပါဘူး ခေါင်းတရမ်းရမ်း နဲ့ မင်းအခွေ တွေ အရမ်း များတယ် လို့ပဲပြောနေပါတယ် ကျွန်တော်ကလဲ စင်္ကာပူ ရောက်တိုင်း Peoples park ကနေ အခွေတွေ ဝယ်လေ့ ရှိတော့ အခွေက ရာကျော် လောက် ရှိနေပါတယ် ဒီအချိန်မှာ စက္ကန်းမိတ်က စပ်ဖြီးဖြီး နဲ့....

"ညီလေး မင်းဆီမှာ ရှိတဲ့ ဘာညာခွေလေး နှစ်ခွေလောက် ဒီကောင်တွေ ကို ခရစ်စမတ်လက်ဆောင် ဆိုပြီး ပေးလိုက် ဒီကောင်တွေ ဒီည ရုံးမှာ ပါတီပွဲ လုပ်မယ် ပြောတယ် ဒါကြောင့် အဲဒီ အခွေတွေ လိုချင်လို့ လိုက်ရစ်နေတာ တစ်ခြားလူတွေဆီ ကလဲ အဲလိုပဲ ယူလာပြီးပြီ ပေးလိုက် ပေးလိုက်"

လို့ ပြောတာနဲ့ ကျွန်တော်လဲ မချစ်သော်လည်း အောင့်ကာနမ်း မနမ်းသော်လည်း ပင့်သက်ရှု ဆိုသလို မကျေနပ်ပေမယ့် အလွန်သဘောကောင်းတဲ့ ငယ်ပေါင်းကြီးဖော် သူငယ်ချင်း တွေပုံစံ မျိုးနဲ့....

"အား သူငယ်ချင်းတို့ ဒီအခွေလေး နှစ်ခွေ အတော် ကောင်းတယ် မင်းတို့ အတွက် ခရစ်စမတ် လက်ဆောင် ပေးပါရစေ"

ဆိုပြီးလဲ ပေးလိုက်ရော ကျေးဇူးတင်ပါတယ် အထပ်ထပ်ပြောပြီး ကသုတ်ကရက် ထွက်သွားကြပါလေရော(ဘာလို့လဲ ဆိုတော့ တစ်ခြားအခန်း တွေဆီကလဲ လုရအုံးမှာ မို့လို့လေ)

ဒါက ကျွန်တော် ကြုံရတာလေး တွေပါ.....

အဲ အခါ တစ်ပါးတော့ သူကြီးနဲ့ ပြဿနာ တက်ပါလေ ရော သူတို့ကလဲ ရလေ လိုလေ အိုတစ္ဆေ ဆိုတာမျိုးကိုး ဗျ တိုးတောင်းတယ် သူကြီးကလဲ အတော် ညစ်လာပြီ ကျွန်တော် တို့ သင်္ဘော တစ်စီးလုံး ကလဲ သူတို့ ကိုကြောက်လွန်းလို့ အမှန်ကန်ဆုံး ဖြစ်အောင် နေတယ် ဒါကို သူကြီးကလဲ သိတော့ ငါတို့ မှန်မှန် ကန်ကန် လုပ်ထားတာ ပဲ ဆိုပြီး တိုးမပေးဘူး မကျေနပ်ရင် စစ်ကွာ ဆိုပြီး တင်းထားတယ် ....။

ပွဲကြီး ပွဲကောင်း ပေါ့ဗျာ ဒီကောင်တွေ အရင်လို စားသောက်ခန်း ထဲ ဇိမ်လေးနဲ့ ဗွီဒီယို ကြည့်လိုက် သောက်လိုက်စားလိုက် မလုပ်နိုင်တော့ပဲ လက်အိပ်ကိုယ်စီ စွပ် လို့ တစ်စီးလုံး ဗြောင်းဆန် အောင် မွှေတော့ တာပါပဲ မတွေ့ဘူး ဘာမှ မတွေ့ဘူး သူတို့လဲ ချွေးပြန်နေကြပြီ ကိုယ်တွေလဲ ခံရတာ များတော့ ကိုယ့်တာ ကိုယ်လုံအောင် လုပ်ထားပြီး သူတို့ ဒုက္ခရောက်နေတာ ကြည့်ပြီး ဝမ်းသာနေကြတယ် သူကြီးလဲ နှုတ်ခမ်းမွေး ကြီးသပ်ပြီး ပြုံးပြုံးကြီးနဲ့ပေါ့ ဒါပေမယ့် အိန္ဒိယ က ဒေသခံ အေးဂျင့် ကတော့ မျက်နှာ ကို သွေးမရှိတော့ဘူး သူက သူကြီး ကို သူတို့လိုသလောက် ပေးလိုက်ဖို့ ချည်းပဲ ပြောနေတယ် သူကြီးကလဲ မပေးဘူး ချည်းငြင်းနေတယ်...။

ဟိုကောင်တွေလဲ Declare စာရွက် တွေ ကိုင်ပြီး သင်္ဘော တစ်စီးလုံး လိုက်စစ် နေတယ် တစ်စီးလုံး ဘယ်နေရာ မှ မကျန်တော့ ပါဘူး နောက်ဆုံး ဒီကောင်တွေ အုပ်စု သင်္ဘော ကုန်းပတ် ပေါ်မှာ စုဝေးပြီး တိုင်ပင်နေကြပါတယ် နောက်တော့ သင်္ဘော ထိန်းချုပ်ခန်း ပေါ် တက်သွားပါတယ် ပြီးတော့ Declare စာရွက်နဲ့ တိုက်ပြီး ခေါင်းဆောင်လုပ်သူက သူကြီး ကို တာဝန်ကျ အရာရှိကတစ်ဆင့် ခေါ်ခိုင်းပါတယ် တာဝန်ကျ အရာရှိလဲ လမ်းလျှောက် စကားပြောစက် ကတဆင့် သူကြီး ကို လှမ်း အကြောင်းကြားလိုက်တော့ သူကြီးလဲ ထိန်းချုပ်ခန်း ရှိရာ ကို တက်လာပါတော့တယ်..။

ဓါးပြအုပ်စုခေါင်းဆောင် အဲလေ ကာစတန် အဖွဲ့ခေါင်း ဆောင်က သူကြီး ကိုတွေ့တယ် ဆိုရင်ပဲ အောင်နိုင်သူ စစ်သူကြီး ပမာ ရင်ကော့ ခေါင်းမော့ ပြီး

"ကပ္ပတိန် မင်းတို့ Declare မှန်မှန် ကန်ကန် မပြဘူး စာရင်းထဲ မပါတဲ့ ပစ္စည်း တွေ သင်္ဘော ပေါ်ရှိနေတယ် ဒါဟာ ဥပဒေ ချိုးဖောက်တာပဲ အရေးယူမှ ဖြစ်မယ် "

ဆိုပြီး ပြောပါတော့တယ် သူကြီးလဲ တော်တော်လေး ခေါင်းစားသွားတယ်

"ကဲ ဒါဆို ဘာလဲ ပြော"

လို့တစ်ခွန်းပဲ ပြောလိုက်နိုင်တော့တယ် ဒီတော့ ဟိုကောင်က ဘာပြန်ပြောလဲ ဆိုတော့....

"ဒီမှာလေ ကပ္ပတိန် မင်းတို့ သင်္ဘော ပေါ်က Radar ရေဒါစက်ကြီး ဟာ Declare မပြထားဘူး ဒါကို ခုချက်ချင်း ငါတို့ ဖြုတ်သိမ်း ပြီး သင်္ဘောပေါ်မှ တာဝန် အရှိဆုံး ဖြစ်တဲ့ ခင်ဗျားကို ကာစတန် ဥပဒေ အရ အရေးယူမယ်"

ကပ္ပတိန် ဘာမှ မပြောပါဘူး ချက်ချင်း ရန်ကုန် အေးဂျင့် ရုံးကို ချက်ခြင်း အကြောင်းကြား ဂျပန် သင်္ဘော ပိုင်ရှင်ကုပ္မဏီ ကို လဲ လှမ်း အကြောင်းကြားပြီး ဒါဟာ သင်္ဘော ဆောက်ကတဲ ကပါလာတဲ့ ဟာ ကို ဒီကောင်တွေ သက်သက် အပြစ်ရှာတာ ဖိုက်မယ် ဆိုပြီး လုပ်ပါတယ် နောက်ဆုံးတော့ ဒီသင်္ဘော ခရီးစဉ် ကို ငှားရမ်းထားတဲ့ အိန္ဒိယ အေးဂျင့် တွေကပဲ ကြားထဲက ဒီကောင်တွေ တောင်းတာ သူတို့ပေးပါမယ် ဆိုပြီး ကြားထဲက ဝင်ပေးလိုက်ရတဲ့ အဖြစ် ကိုရောက်ရော....။

...................တရားဥပဒေနှင့် လွတ်ကင်းအောင် နေတိုင်း မကင်းလွတ်နိုင်..................

ကျွန်တော် ပြောပါတယ် ကျွန်တော် တို့သင်္ဘော ဥပဒေနဲ့မလွတ်ကင်းတာ ဘာမှ မလုပ်ပါဘူး ဒါပေမယ့် မပေးရင် မရဘူးလေ သိတယ် မဟုတ်လား ဒီ့ထက်ဆိုးတဲ့ အဖြစ်မျိုးတွေက ကျွန်တော် တို့ဆီမှာ အခု အများကြီး ဖြစ်ခဲ့ပြီးပြီ ဖြစ်လဲ ဖြစ်နေဆဲ နောက်လဲ ဖြစ်နေအုံးမယ် ဆိုတာ !!!!!!!

Read More

လက်ရာအပြောင်းအလွဲလေး

ဒီရက်ပိုင်းအတွင်း အလုပ်ပိတ်တာနဲ့ လုပ်ချင်တာ တွေ လုပ်လိုက်တာ မန်ယူဖိုရမ် လေးလဲ ပြီးသွားတယ်..ဘလော့ဂ် ကို အင်္ကျီအသစ် လေးလဲ လဲလိုက်တယ် ပစ်ထားတာ ကြာတဲ့ ဘလော့ဂ် လေးကို ဖုန်သုတ်ရင်း တန်ဆောင်တိုင် အမှတ်တရ လေးလဲ ရေးဖြစ်သွား ပြီးတဲ့နောက်မှာ လူက အတော်လေး ကို ပေါ့ပေါ့ ပါးပါး ဖြစ်သွားတော့ အရင် တုန်းက အကြောင်းလေး တွေ တွေ့ဖူး ကြုံဖူးတဲ့ လူတွေ အကြောင်းလေး တွေက ခေါင်းထဲ ကိုပြန်ဝင်လာတယ်.....။

သူ့နာမည်က ကိုချာလီ လို့ပဲ ထားလိုက်ပါစို့ဗျာ....
သူက အစ္စလာမ် ဘာသာဝင် တစ်ယောက်ဗျ. ဒါပေမယ့် သူ့ခမျာ သင်္ဘော ပေါ် မှာ ချက်ကြီး (စားဖိုမှုး) ဘဝနဲ့ အသက် မွေးရတာ ဆိုတော့ ဝက်သား လဲရှောင်လို့မရဘူးဗျ ကိုင်ရတာပဲ ချက်ရတာပဲ အဲ တစ်ခုပဲ ရှိတာကတော့ ဟင်း ကို မြည်းလို့ မရတာ တစ်ခုပဲ .....

ဒါပေမယ့် ဒါကလဲ ပြဿနာ တော့ မရှိပါဘူး မနက် ၁၀ နာရီ လ္ဘက်ရည် သောက်ချိန် စားသောက်ခန်း ထဲ ဝင်လာတဲ့ သင်္ဘောသား တွေကို မြည်းခိုင်း ပြီး ချက်တာပေါ့...

သင်္ဘော သားတို့ သဘာဝ ကလဲ ချက်ကြီး အသစ် တစ်ယောက်များ ပြောင်းပြီ ဆိုရင် စားလို့ သောက်လို့ အလွန်ကောင်းပဲဗျ လက်ရာပြောင်းသွားတာကိုး အဲဒီ ကိုချာလီ က သင်္ဘော ပေါ်မှာ တစ်နှစ်လောက် ဖြစ်လာတော့ သင်္ဘော သားတွေ က ငြီးငွေ့လာ ကြပါလေရော...

ဒါနဲ့ စားလို့ သောက်လို့ မကောင်း ဖြစ်လာတော့ စားသောက်ခန်း ထဲက အမှိုက်ပုံးထဲ မှာ ထမင်းတွေ ဟင်း တွေက ပြည့်လို့ပေါ့...

သူကြီး (ကပ္ပတိန်) လဲ မဖြစ်ခြေ ဘူး ဆိုပြီး တစ်ရက် အစည်းအဝေး ခေါ်ပါလေ ရော သင်္ဘော သားတွေ ရဲ့ ခံစားချက် တွေ ရင်ဖွင့်ကြပေါ့လေ စားချင်တာတွေ ပြောကြ တောင်းဆိုကြနဲ့ စည်စည် ကားကားပေါ့....

ကျွန်တော်ကတော့ ထမင်းပေါင်း စားချင်တယ် လို့ တောင်းဆိုလိုက် သဗျ ဟီး ဟီး
ချက်ကြီး ကတော့ ကျွန်တော့် ကို မျက်စောင်းကြီး လှည့်ထိုး တာပေါ့ ဗျာ ဘာလို့ဆို ထမင်းပေါင်း က အဆာပလာ များတော့ အလုပ်ရှုပ်တယ်လေ ပြောနေရင်းနဲ့ တောင် စားချင်လာပြီဗျို့....

အဲဒီလို နဲ့ ကိုစိုးမိုး ဆိုတဲ့ သင်္ဘော သား ပြောဖို့ အလှည့် ရောက်လာ ပါလေရော

သူကလဲ စကားပြောတာ လောကကြီးတယ် တစ်ခါတစ်လေ သူပြောချင်တာ တစ်ခြား ပြောတာ တစ်ခြား တော်ရုံနဲ့ သဘော မပေါက်ဘူး အခုလဲ သူပြောချင်တာ ကို ပြောပြီး တောင်းဆိုပါပြီဗျာ..

"ကျွန်တော် ကတော့ တစ်ခြား စားချင်တာတွေ ဘာတွေ သိပ်ပြီး အာသီသ မရှိပါ ဘူးဗျာ ကျွန်တော် ဖြစ်စေချင်တာ ကတော့ ငါးဟင်းချက်တယ် တစ်ခါလာလဲ ဒီအရသာပဲ ဝက်သားချက်တယ် ဒီအရသာပဲ ဘာဟင်းချက်ချက် အရသာက တစ်မျိုးပဲ ဖြစ်နေတယ် ဒီတော့ လက်ရာပြောင်းချက်ပေးပါ"

အဲလိုပြောပြီး ပြန်ထိုင်လိုက်ပါတယ်...

အားလုံး စုံစုံ စိစိ တောင်းဆိုမှု တွေ ပြီးသွားတဲ့ အခါမှာတော့ ချက်ကြီး ရဲ့ ဖြေရှင်းချက်တွေ လာပါပြီ...

"ဟုတ်ကဲ့ ကပ္ပတိန် ကျွန်တော် အခု မီနူး တွေ ပြောင်းချက် ပေးပါမယ် တောင်းဆိုထား ကြတာ တွေ ကို အလှည့် ကျ ချက်ပေးသွားပါမယ် ထမင်းပေါင်း တို့လို ဟာမျိုးတွေ ကိုတော့ ဆန်းဒေး စပယ်ရှယ် မီနူးထဲ ထည့်ပြီး ချက်ပေး သွားပါမယ် နောက်ဆုံး အနေနဲ့ ပြောချင်တာကတော့ .... စိုးမိုးပြောတဲ့ ကိစ္စပါပဲ ကျွန်တော် သင်္ဘော လိုက်ပြီး ချက်လာတာ နှစ်ပေါင်း သုံးဆယ် ရှိပါပြီ ဒီလိုပဲ ချက်လာတာပါပဲ သူပြောသလိုဆို ငါးဟင်းက ငါးအရသာ မထွက်လို့ ဘာထွက်ရမှာလဲ ဝက်သားကလဲ ဝက်သား အရသာပဲ ထွက်မှာပေါ့ ဒီတော့ ကျွန်တော် အခု လက်ရာပြောင်းချက်ဖို့ တောင်းဆိုတာ ကို လိုက်ရောတဲ့ အနေနဲ့....
အရင် ကျွန်တော် အမြဲ ညာဖက်လက် နဲ့ ချက်ပါတယ် ဒီနေ့ဒီအချိန် က စပြီး လက်ရာပြောင်းပြီး ဘယ်လက် နဲ့ပြောင်းချက် ပါတော့မယ်ခင်ဗျာ"......။

အခု ကျွန်တော်လဲ တစ်ယောက် ထဲ နေနေရတော့ ကိုယ်ချက်တဲ့ ဟင်းတွေ ငြီးငွေ့ နေပြီ မစားချင်တော့ဘူး အခုတော့ အဲဒီ အကြောင်းလေး ပြန်တွေး မိတော့ နောက်နေ့ ဘယ်လက်နဲ့ ပြောင်းချက်တော့မယ် ဗျာ သင်တို့လဲ စား မကောင်းရင် လက်ရာလေး ပြောင်းချက်ဖို့ မမေ့ကြ နဲ့နော်။

Read More

သူခိုးများနှင့်ကခုန်ခြင်း..။

အချိန်က ညသန်းခေါင်ကျော် နံနက်ခင်း သို့ကူးပြောင်းခါစ ၂ နာရီကျော်ကျော် ပတ်ဝန်းကျင်တစ်ခုလုံး မဲမှောင်တိတ်ဆိတ် လို့.....။

ပုံမှန်အားဖြင့် ဆိုလျှင်တော့ လျှို့ဝှက်သဲဖို ဝတ္တု တွေ ထဲမှာ ဒီလိုရေးလေ့ ရေးထ ရှိတတ်ကြသည်..

ဒါပေမယ့် အခုတင်ပြမှာက အဲဒါနဲ့ ဆန့်ကျင်ဘက် လျှို့ဝှက်သဲဖို လို့ ပြောလို့ရသလို ပေါ်တင်ကြီး အုပ်စုလိုက် တဝေးဝေး တဟားဟား နဲ့ လပြည့် ညရဲ့ အလင်းရောင် ထိန်ထိန်လင်းကြီး အောက်မှာ နံနက်လင်းအားကြီး ၂ နာရီကျော် သုံးနာရီ ဝန်းကျင်မှာ လှုပ်ရှားနေကြတဲ့ လူစုများ.......

အဲဒီထဲက အုပ်စုတစ်စု ထဲမှာ တော့ ကျွန်တော်လဲ အပါအဝင်ပေါ့.....

ဟေ့ ဒီဘက်ကိုမြန်မြန်လာ...... ရှုးတိုးတိုးဟ စွတ်ရယ်နေနဲ့ မင့်ကြီးတော် အပျိုကြီးတွေ ကြားသွားမှ ထအော်နေအုံးမယ်...။

ရာဇာ နှင့် ဇော်အောင် တို့ သူတို့သယ်ယူလာသော ဆိုင်းဘုတ်ပြား ကို ကမန်းကတန်း အိမ် ခြံဝင်း တံခါးပေါက် မှာ အောင်မြင်စွာ ချိတ်လိုက်ပြီး သကာလ ကျွန်တော်တို့ အုပ်စု တဟီး ဟီး တစ်ဟား ဟား ရယ်ရင်း မိမိ တို့ စတည်းချရာ လမ်းထိပ် သို့ ပြန်လည် ချီတက် လာခဲ့ ကြသည်......။

ကမ္ဘာ့ရာဇဝင် ထဲ မှာ ရော်ဘင်ဟု ဆိုတာ သူရဲကောင်း တစ်ယောက် သူက မတရား အမြတ်ကြီးစား ပြည်သူတွေ ကိုဖိနှိပ် ဂုတ်သွေးစုပ် နေတဲ့ မင်းစိုး၊ရာဇာ၊သူဌေး၊သူကြွယ် (နာမည်များ မဟုတ်ပါ) တွေဆီကနေ ပြန်ပြီး လုယက်လို့ ဆင်းရဲသားတွေ ကို ပြန်ဝေလေ့ ရှိသတဲ့ ...။

ကျွန်တော် တို့ မြန်မာပြည် မှာလဲ အဲလို သူရဲကောင်းတစ်ယောက် ရှိခဲ့ ဖူးပါတယ် သူကတော့ အများလဲ သိကြမှာပါ သူခိုးကြီး ငတက်ပြား ပါပဲ............။

သူက အတော်လေး စွမ်းတယ် ဆိုပဲဗျ ငှက်ပျောဖက် ပေါ်တောင် တက်အိပ်လို့ ရလောက်အောင် ကြောင်တစ်ကောင်လိုပေါ့ပါးပြီး ကျားတစ်ကောင်လို့ သန်မာတယ် လို့ ရာဇဝင်ထဲ မှာ ကျော်ကြားလေရဲ့....။

သူဘာဖြစ်လို့ အဲလို စွမ်းနေတာလဲ သိလား???????

ဘကြီး ဘုန်းကြီးက သူ့ကို ပေါင်မှာ ကြောင်တက်ကြောင်ဆင်း ထိုးကွင်းမှင်ကြောင် ထိုးပေးထားလို့ပဲ...

အဲ...ကြောင်တက်ကြောင်ဆင်း ထိုးတိုင်းတော့ အဲလိုကြီး မစွမ်းဘူးနော် သွားစမ်းပြီး ထိုးကြည့်ကြ မှာ စိုးလို့ သတိပေးတာ သူက ထိုးဆေး ကို စပယ်ရှယ် စပ်ပြီး (မြွေဟောက်၊မြွေပွေး၊မြွေစိမ်းမှီးခြောက်၊ဆင်ပစ်မြွေ... စတာတွေရဲ့ အဆိပ် ကို ဆတူရောပြီး မှင်ရည်နဲ့စပ်ထားတာလို့ သတင်းရတယ်ဗျ ဒါက စမ်းလိုသူတွေ အတွက် စေတနာ ဗရပွ နဲ့ သတင်းပေးတာပါ ...) မှ ဆေးပေါင်းခတဲ့ ည လို့ လောကီပညာရပ် လိုက်စားသူတွေ က သတ်မှတ်တဲ့ တန်ဆောင်မုန်းလပြည့်နေ့ည သန်းခေါင်ရံ အချိန်တိတိ မှာ ငတက်ပြား ကို ထိုးကွင်းထိုးပေးလိုက်တာ တစ်ခါထဲ ဆေးလဲ အောင်ရော ငတက်ပြား ခမျာ ငြိမ်ငြိမ် နေလို့ မရတော့ပဲ ဇရပ်ခေါင်မိုး တွေ ပေါ်ကို လျှောက်ခုန်ကူး နေတယ် တဲ့ဗျ....။

ထားပါတော့လေ အဲဒီလို အစွမ်းအစ တွေ ထူးတတ်တဲ့ တန်ဆောင်မုန်း လပြည့်ညကြီး မှာ ဆေးအောင်သွားတဲ့ ငတက်ပြားကြီး ကို ဂုဏ်ပြုပြီး ကိုယ်တွေလဲ သူ့လိုမျိုး ဓါတ်ကလေး နည်းနည်း ရပါစေတော့ ဆိုပြီး မယ်ဇလီဖူး ကို ည သန်းခေါင် ၁၂ နာရီတိတိ မှာ ခူးပြီးသုပ်စား......၊

နောက် ညမှာ နေ့လည်လောက်ကတဲက ကြက်ခြံမှာ သွားဝယ်ထားတဲ့ ကြက်ကို ( အမှန်တကယ် ဆိုရင် တော့ နယ်တွေ ရွာတွေမှာ အဲဒီ ကြက်ကိုလဲ ခိုးရမှာဗျ.. ဒါပေမယ့် ရန်ကုန်မှာ ဘယ်သူ့အိမ်က ကြက်သွားခိုးရမှာလဲ ဒီတော့ သင်္ဃန်းကျွန်းက ကြက်ခြံတွေမှာ သွားဝယ်တာ ဒါပေမယ့် ယတြာ သဘောနဲ့ ကြက်ဥတော့ ခိုးလာကြတယ် ...).. ဘူးသီးလေး နဲ့ အချိုရွက်လေး နဲနဲခပ်... (ဟဲ... ဒါကတော့ ယောင်္ကျား လေးတွေသိမှာပါ ဘာရွက်လဲ ဆိုတာ )ပြီး ကာလသား ဟင်းချက်စားကြတာ အို ဘာပြောကောင်းမလဲ အိမ်မှာချက်တဲ့ ဟင်းနဲ့လဲ မတူဘူး ဘယ်နာမည် ကြီး ဆိုင်က ဟင်းနဲ့မှ လဲ မတူဘူး ကောင်းလိုက်တာဗျာ...တနှစ်မှ တစ်ခါ စားရတဲ့ ဟင်းလို့တောင် ပြောလို့ရတယ် တစ်ချို့ကောင်မလေး တွေ ဆို အဲဒီဟင်း အရသာ ကို သိသွားလို့ ဟဲ့ ဟင်းကျက်ရင် ငါ့ ကို တစ်ခွက် စာလောက် လာပို့ပေးပါဟယ် ကြက်သားဖိုး ငါလဲ စိုက်ပါ့မယ် ဆိုပြီး အော်ဒါ မှာထားပြီး စောင့်စားပြီးတော့ မှ အိပ်တဲ့ ကောင်မလေး တွေလဲ တစ်ပုံကြီး .....။

အဲလို အဲလို ပေါ့ဗျာ သမိုင်းအစဉ် အလာ ကြီးမားတဲ့ သူခိုးကြီး ငတက်ပြား ကြီး လိုပဲ ဆေးပေါင်းခတဲ့ ဟင်းတွေ စားပြီး သကာလ မှာပဲ သမိုင်းအစဉ်အလာ မညှိုးရအောင် လို့ စတိ သဘောလေး ဟို အိမ်က ပစ္စည်း ဒီရွေ့ ဒီအိမ် က ပစ္စည်း ဟို ရွေ့ လုပ်ကြပါတော့တယ် ဟို ရွေ့ ဒီရွေ့ ဆို လို့ ဟိုဘက်အိမ် ဒီဘက် အိမ် လို့တော့ မအောက့်မေ့နဲ့ နော် တစ်ခါတစ်လေ ရပ်ကွက် နှစ်ခု လောက် ကျော်သွားလို့ ပြန်မရ ကြတော့တာတွေ ရှိတယ် ဟီးးး...။

ဒီတော့ လမ်းထဲက လူများ ဘာလုပ်ကြပါသနည်း ?????

ကင်းစောင့်တာပေါ့ ဟက် ဟက် ....

လုံခြုံ ပြီ ထင်ပါသလား မိတ်ဆွေ မလုံခြုံပါ လမ်းထဲ လူမုန်းများ မျက်မုန်းကျိုး ခံရသူများ ပိုဆိုးပါ၏..အဘယ့်ကြောင့် ဆိုသော် ကင်းစောင့်သောသူများ က ဦးဆောင်ပြီး ဤ ငတက်ပြားဂုဏ်ပြုပွဲ ကြီး ကို ကျင်းပသော ကြောင့် ဖြစ်ပါ၏...

ယ္ခုလဲ လမ်းထဲမှ စွာတေးလန် လွန်းသော ကြောင့် ယောင်္ကျား မရသော အပျိုကြီး ညီအစ်မ အိမ်ရှေ့ ခြံဝင်းတံခါး ဝတွင် ဟိုဘက် တစ်လမ်းကျော်မှ ဦးကျားကြီး အိမ်ရှေ့ တွင် ချိတ်ထားသော အယ်လ်ဇေးရှင်း ခွေးမျိုးကောင်းမျိုးသန့် သားစပ် အငှားလိုက်သည် ဆိုသော ဆိုင်းဘုတ်ကြီး ကို သွားချိတ်ကြခြင်း ဖြစ်သည်..။

နောက်တော့ လမ်းထဲက နတ်ကတော် သူကတော့ ဘယ်နတ်တွေရဲ့ ကတော်လဲ တော့ မသိ ပါ အတော်မျက်နှာ များသော နတ်ကတော် ဖြစ်ပါ၏ အဘယ့်ကြောင့် ဆိုသော် ကိုယ်တော်လေး ကလဲ သူ့ကို မနောဖြူလို့ တော်ကောက်တော် မူတယ်တဲ့ ကိုယ်တော် ကြီးကလဲ ညီတော်လေး ဝေစားမျှစားလို့ သဘောထားသလား မသိ ညီတော် နှင့် အပြိုင် ကောက်၏ ဒီတော့ သူက မိန်းမ စင်စစ်သာ မဟုတ်တာ နတ်နှစ်ပါး နဲ့ နှစ်ပါးသွားနေသတဲ့..။

သူတစ်ယောက်ထဲ အားမရ လမ်းထဲက မိန်းမ အအို အပျို တွေ ကိုပါ သူ့ယောင်္ကျား တွေနဲ့ပေးစားနေသဖြင့် အိမ်ထောင်ရှင် မိန်းမ များက သူ့လင် တွေကို ဟိုး ဆရာ ဟိုး ကိုယ်တော်လေး ကောက်ထားလို့ တစ်လ ခွဲအိပ်မယ် အပျိုမလေး များကလဲ မောင် ရယ် စာမေးပွဲ အောင်ဖို့၊ အလုပ်လျှောက်ထားတာ အဆင်ပြေ ဖို့လေ ကိုယ်တော်လေးက ကိုယ်ဖိရင်ဖိ စောင့်ရှောက်မှာ မို့လို့ တော်ကောက်ထားတယ် ဒီတော့ ဒီတစ်လ တော့ မောင်နဲ့ချိန်းတွေ့ဖို့ မဖြစ်ဘူး ကိုယ်တော်လေး ကိုယ်တော်ကြီး တို့ စိတ်ဆိုးသွားမယ် ဆိုသူကဆို ဖြစ်နေသဖြင့် အတော်လေး လူငယ်လူကြီး ကာလသား တို့၏ မေတ္တာ ကို ခံယူနေသူ ဖြစ်သည်....။

ဒီတော့ ဂုဏ်ပြုခံ ပုဂ္ဂိုလ် များထဲ တွင် သူမကလဲ ထိပ်ဆုံးက ပါဝင်မည်ဆိုတာ ကိုယ်တော်လေး ကိုယ်တော်ကြီးမေးစရာ မလိုအောင် သေချာပေါက် ကျိန်းသေနေ၏...။

ကဲ လာပါပြီဗျာ ဈေးဘက်ကနေ မဲမဲ မဲမဲ နဲ့ထိုက်မင်းနဲ့အောင်ဝေဖြိုး ဘာတွေသယ်လာလဲ ဆိုတော့ ဈေးထဲက ဝက်သားဆိုင် က ဝက်သား တစ်ပိသာ ဘယ်လောက်ဆိုတဲ့ ဆိုင်းဘုတ်ကြီးရယ် ဝက်ပေါ်ပြီး အသားဖျက် ပြီး လွှင့်ပစ် ထားတဲ့ ဝက်ရိုး အပြည့် ပါတဲ့ တောင်းကြီး ရယ်ပေါ့ဗျာ အဲဒါကြီး ကို နတ်ကတော် အိမ်ရှေ့က ကိုယ်တော်ကြီး ကိုယ်တော်လေး နတ်နန်းစင် ဘေးမှာ ချထားပြီး ဆိုင်းဘုတ်ကြီး ထောင်ထားပေးလိုက်တယ်....။

ဟီးဟီး ကဲစာဖတ်သူ အပေါင်းတို့ စဉ်းစားသာ ကြည့်ကြပါတော့ဗျာ

မနက်မိုးလင်းတဲ့ အချိန် သားစပ်ဖို့ လိုက်မယ် ကြော်ငြာထားတဲ့ အပျိုကြီး တွေ ညီအမနဲ့ ဝက်သားရောင်းနေတဲ့ ကိုယ်တော်ကြီး ကိုယ်တော်လေး တို့ ကို မြင်ရတဲ့ အခါ ရင်ထုမနာ ဖြစ်သွားမယ့် နတ်ကတော် တို့ ဘယ်လိုပုံ တွေ ဖြစ်နေကြမလဲ ဆိုတာကို...။

(တန်ဆောင်မုန်းလပြည့်ည ရောက်ပြီ ဆိုတော့ အရင်ငယ်တုန်းက သူခိုးကြီးညမှာ သောင်းကျန်းခဲ့ ဖူးတာလေး တွေ ကို အမှတ်တယ ပြန်ရေးလိုက်တာပါ )

Read More

ငါးမျှားခရီးထွက်ခဲ့စဉ်က..။

အို အသင် ဘလော့လောက သင်ကား ကျွန်ုပ် ဖိုရမ် နှင့် နပမ်းလုံးနေစဉ် ဆက်လက် ၍သာ ရှေ့ကို လျှောက်လှမ်း လျှက် ရှိချေသည် တကား.....................။

ဟဲ ဟဲ ဒီလို ပြောလိုက်လို့ လင်းထက် တစ်ယောက် ဂေါက်တောက်တောက် ပေါက်တောက်တောက် ဖြစ်သွားပြီ လားလို့ မိတ်ဆွေ သူငယ်ချင်း ညီကို မောင်နှမ အပေါင်း တို့ စိတ်ပူ သွားကြမလား???

စိတ်မပူပါနဲ့ မဂေါက်၊မပေါက်၊ သေးပါဘူး (နဲနဲတော့ ဖြစ်ချင်သလိုလို ရှိသား )..။

အဖြစ်ကတော့ ဒီလိုပါ ကျွန်တော် စပ်ဆော့ ပြီး လုပ်ထားတဲ့ သရဲနီတို့ပျော်စံရာ ဘလော့ဂ် လေး က ညီငယ်တွေက ဝိုင်းမြှောက်ပေး အဲလေ ဝိုင်းအကြံပေးကြတာနဲ့ မြန်မာမန်ချက်စတာယူနိုက်တက်ဖိုရမ် ဆိုပြီး ထူထောင်ဖို့လုပ်လိုက်တာ ကိုယ့်ဘလော့ဂ် ထဲ ဘယ်သူတွေလာလို့ လာမှန်းမသိ ကိုယ်တဂ်ထားတာ ရေးပြီးလို့ လာပြောတဲ့သူတွေ ကလာပြောလဲ မသိ သွားမဖတ်မိနဲ့ နောက်ဆုံးကုန်ကုန် ပြောရရင် ဂျီတော့ ဖွင့်ထားလို့ စကားလာပြောရင်တောင် ဖိုရမ် တစ်ခု ဘယ်လိုလုပ်ရလဲ သိလား သိရင် ဒါလေး ပြောပြပါ ဆိုပြီးတော့ချည်း လှိမ့်မေးလို့ နောက် ကိုယ့်ကို လိုင်းပေါ်တွေ့ရင်တောင် မခေါ်ပဲ တိတ်တိတ်လေး နေတဲ့သူကနေ တဲ့ အဖြစ်ကိုရောက်ရော ဟီး..။

ကဲ ဒါကတော့ ကျွန်တော် ပျောက်နေရတဲ့ အကြောင်းရင်း လေးကို ရှင်းပြရင်း ကြော်ညာလေးလဲ ဝင်ရင်း ပေါ့လေ နိဒါန်းလေး ပျိုးလိုက်တာပါ အဓိကပြောမယ့် ဟာက အခုမှ လာပါပြီ..။

ကျွန်တော်တို့ မြို့ကလေး ဟာ ခရီးသွား မြို့ကလေး တိုးရစ် မြို့ကလေး လို့ ကျွန်တော် အရင်ပိုစ့်တွေ မှာ ရေးခဲ့ဖူးပါတယ်..။

အခုဒီအချိန်ဟာ ဆိုရင် ခရစ်စမတ် ဈေးပွဲတော် ဆိုတာ လုပ်ဖို့ အတွက် တစ်မြို့လုံး ရှိသမျှ ဆိုင်တွေ အကုန်ပိတ်ပြီး မြို့ဟာ ဆိုရင် တူသံ လွှသံ တွေနဲ့ ဆူညံလို့ဗျာ..။

အဲဒီတော့ ကျွန်တော်တို့ဆိုင်လဲ ပိတ်ပြီပေါ့.. ဆိုင်ပိတ်တော့ ဆိုင် က လုပ်ဖော်ကိုင်ဖက် တစ်ယောက် က ကျွန်တော့ကို ငါးမျှား သွားဖို့ ခေါ်ပါလေ ရော ဗျာ...။

ဒီတော့ ကျွန်တော် ဆိုတဲ့ ကောင်ကလဲ ငယ်ငယ်ကဆိုရင် တံငါသယ် ဝင်စားသလား အောက့်မေ့ရလောက်အောင် ငါးမျှားဝါသနာ ပါခဲ့ပြီး ကြီးလာမှ အကုသိုလ် ကြောက်ပြီး မသိချင်ယောင် ဆောင်နေရတာ ဆိုတော့ နှစ်ခါ မခေါ်လိုက်ရပါဘူး လုိုက်မယ် လို့ ကတိပေးလိုက်တယ် (အဓိက ကတော့ ငယ်ငယ်က ငါးမျှားဖူးတယ် ဆိုတာက ဝါးကိုင်းတံ နဲ့လေ အဲဒီတော့ သူတို့ဆီက ငါးမျှားတဲ့ ကိုင်းတံ စက်သီးကလေး တရွှီးရွှီး လှည့် ပြီး မျှားရတဲ့ အရသာ ကို သိချင်လို့)အဲဒါနဲ့ပဲ လင်းထက် တို့ ငါးမျှားခရီးထွက်ခဲ့ပါတော့တယ်.....။

မနက်စောစော မြူလေး တွေ ပိတ်ဖုံး နေတဲ့ ကြားထဲကပဲ ကျွန်တော် နဲ့ လုပ်ဖော်ကိုင်ဖက် (နောက်ပိုင်း မိတ်ဆွေ လို့သုံးပရစေ)ရယ် သူ့သားရယ် သုံးယောက်သား ကားလေးနဲ့ထွက်ခဲ့ ကြပါတယ် အချိန်ကတော့ နံနက် ရ နာရီတိတိပေါ့ဗျာ..။

ကားနဲ့ထွက်တယ် ဆိုတော့ မြို့နား က နာမည်ကျော် ရိုင်းမြစ် ကြီးမှာ မမျှားကြဘူးလားလို့ မေးစရာ ရှိလာပါတယ်...

(အောက်ဖော်ပြပါပုံက မြို့ရဲ့ဆိပ်ကမ်းပါ)

မမျှားပါဘူး ခင်ဗျ ကျွန်တော့် မိတ်ဆွေ ဂျာမန် ကပြောတာတော့ ဒီလို ငါးမျှား ဝါသနာ ပါသူတွေ အတွက် သပ်သပ် ငါးမျှား ထွက်ဖို့ နေရာတွေ စီစဉ်ပေးထားပါသတဲ့ အခုလဲ အဲဒီကို ကားနဲ့ တစ်နာရီကျော်လောက် မောင်းသွားရမယ် လို့ပြောပါတယ် ကျွန်တော် လဲ အကြိုက်ပေါ့ဗျာ ဘာလို့လဲ ဆိုတော့ တစ်နှစ်ပါတ်လုံး အလုပ်နဲ့အိမ် အိမ်နဲ့ အလုပ် ဘယ်မှ မရောက်ဖြစ်တော့ ပတ်ဝန်းကျင်နဲ့လဲ အဆက်ပြတ်နေတယ် ဆိုတော့ ရှုခင်းလေး ဘာလေး လဲကြည့်ရတာပေါ့..။

ဒီလိုနဲ့ ငါးမျှားမယ့်နေရာကို ရောက်လာခဲ့ပြီး ငါးမျှားဖို့ ပြင်ကြ ဆင်ကြပေါ့ဗျာ...။

ဒါကတိုက်ပွဲဝင်မယ့်လက်နက်ကိရိယာတွေပေါ့.

ကျွန်တော့မိတ်ဆွေ နဲ့ သူ့သားလဲ ပြင်ကြ ဆင်ကြပေါ့ ကျွန်တော် ကတော့ ဟိုယောင်ယောင် ဒီယောင်ယောင်နဲ့ ဓါတ်ပုံ ပဲ လိုက်ရိုက်နေတယ် သိတယ် မဟုတ်လား ကိုယ်က ဝါးကိုင်းတံ ငါးမျှားတံပဲ ကိုင်ဖူးတာ သူတို့ ဟာ တွေ ကို မဆင်တတ် ဘူးလေ..။

ကျွန်တော် တို့ ပြင်နေ ဆင်နေတုန်းပဲ ဟိုဘက်နား က ကောင်မလေး ကတော့ ငါးမိ သွားပြီ....။

အဲဒီ ငါးမျှားတဲ့ နေရာမှာ လူတော့ အတော်များသဗျ ဒါတောင် ကျွန်တော် တို့ သွားတဲ့ ရက်က ကြားရက် မို့လို့ လူသိပ်မရှိဘူးလို့ မိတ်ဆွေ က ရှင်းပြတာပဲ..အပေါ်က ပုံမှာ ပြထားသလို ကောင်မလေး တွေလဲ လာမျှားကြသဗျ...။

ကဲ ဒါကတော့ ကျွန်တော့ မိတ်ဆွေက ဈေးဦးဖောက် မိလိုက်တဲ့ ငါးပါ..။

ကဲ ဒီတစ်ခါတော့ ကျွန်တော့ အလှည့်ပေါ့ ဗျာ ကိုရွှေ တွေ မြစ်နားချောင်းနား မှာ နေလာတာ လက်စွမ်းပြလိုက်မယ် ... ဟော မိပြီ ကျွန်တော် စက်သီးလေးကို တစ်ရွှီးရွှီး နဲ့ဖြည်းဖြည်းချင်း ရစ်လာလိုက်တယ် ငါးကလဲ အစွမ်းကုန်ရုန်းကန်နေတယ် မိတ်ဆွေက ပြောတာတော့ ငါးက အတော် ကြီးမယ် ဆိုပဲ ..
ဟုတ်လဲ ဟုတ်လောက်တယ် ငါးမျှား ကိုင်းတန်လေး ကို ကွေးညွတ်လို့ တစ်ချက် တစ်ချက် စက်သီးကို တောင် ရစ်လို့ မရဘူး မိတ်ဆွေက သူ့ကိုင်းတန် ကိုပစ်ချပြီး ကျွန်တော့ အနား ရောက်လာတယ် ပြီးတော့ လျှော့ပေး ၊တင်းထား၊ ရစ်ရစ် စသဖြင့် ဘေးက ကူပြီး ပါးစပ်နဲ့ ဝိုင်းမျှားနေပါတော့တယ် ကမ်းနားရောက်လာရင် ဆယ်တင်ဖို့ ပိုက်ကို အဆင်သင့် ပြင်လို့ပေါ့လေ...။

ငါးကလဲ ဒီလိုရုန်းကန်နေတယ်

ဒီလိုနဲ့ ငါးခမျာလဲ မောပမ်း သွားတဲ့ အချိန်မှာ အလျှော့ပေးပြီး ကမ်းနားကို ပါလာတော့ မိတ်ဆွေလဲ အဆင်သင့် ငါးဖမ်းပိုက်နဲ့ ကမ်းပေါ်ဆွဲတင်လိုက်တော့ သူအရမ်းပျော်သွားတယ် ဘာလို့လဲ ဆိုတော့ ဒီလို အမျိုး အစား အကောင်ကြီးကို သူဒီမှာ မျှားလာတာ ၂ ခါပဲ ရဖူးတယ် ဆိုပဲ အခု ကျွန်တော်ကတော့ သူနဲ့လိုက်လာလာချင်း ပထမ ဦးဆုံးမှာပဲ ဒီကောင် ကို စမိတာလေ..။

ဒီကောင်က ကျွန်တော့် လက်မောင်းရင်းကလက်ဖျား လောက်ရှည်တယ်

ဒါကမိတ်ဆွေကို ကိုင်ခိုင်းထားပြီး အမှတ်တရ ရိုက်ထားတာ..။

ဒီလိုနဲ့ အားတက် သရောနဲ့ နောက်ထပ်များ မိမလား လို့ ဆက်မျှားလိုက်ကြတာ ရိုးရိုး ငါးတွေပဲ ထပ်မိပါတယ် ဒါနဲ့ပဲ ညနေစောင်း ၅ နာရီလောက်မှာ ကိုယ့်အိမ်ကို ကိုယ် တပ်ခေါက် ပြီး ပြန်လာခဲ့ကြပါတော့တယ် ကျွန်တော့် မိတ်ဆွေကတော့ သူသွားတိုင်း ကျွန်တော့် ကိုလိုက်ခဲ့ ဖို့ထပ်ဆွယ် သေးပေမယ့် ကျွန်တော် တော့ မလိုက်ချင်တော့ပါဘူး ဘာလို့လဲ ဆိုတော့ ငါးကြီးက ကြီးလဲ ကြီးလှလဲ လှတယ်ဗျ ကျွန်တော့် ကြောင့် သူ အသက် ဆုံးရှုံး သွားရတာကို တွေးမိတိုင်း ကျွန်တော့် ရင်ထဲမှာ တစ်မျိုးကြီးပဲဗျာ...
ကျွန်တော်က ငယ်တုန်းက ငါးမျှားသူ ကြီးလာတော့ အလှမွေး ငါးတွေကို အိမ်ရှေ့က ဝရန်တာ မှာ မှန်ကန်တွေ အပြည့် နဲ့ မွေးခဲ့ဘူး တာကိုးဗျ...။

Read More

ရင်ခွင်ကိုထိမှန်ခဲ့သောသီချင်းတစ်ပုဒ် သို့မဟုတ်ဆိုင်သူကိုယ်စီမို့

*** ဒို့နှစ်ယောက်... ခုထက်ပို ...စော.....တွေ့ကြရင် ..ပျော်ကြရမှာ မင်းရော ငါရော ...ပိုင်သူ.. ကိုယ်စီ ရှိပြီးသား.. ဘဝမှာ.. စောင့်ထိန်း ရမယ့် .စည်းကမ်း တွေကို ဒို့နှစ်ယောက်...ကျော်သင့်သလားးး.. ဒို့နှစ်ယောက်......ကျော်ရဲ သလားးးးးးးးးးးးး...***

ဆောင်းဘောက်စ် မှ တစ်ဆင့် ပေါ်ထွက်လာတဲ့ ခိုင်ထူးရဲ့ ဆိုင်သူ ကိုယ်စီ သီချင်းက မိုးဦးကျ အငြိုးကြီးစွာ ရွာချလိုက်တဲ့ မိုးရေတွေ စုစည်းပြီး တောင်ကျချောင်းရေ အဖြစ် စီးဆင်းလာ သလို သူ့ရဲ့ နားစည် မှ တဆင့် သူ့နှလုံး သားထဲ အထိ အရှိန်အဟုန် ပြင်းထန်စွာ စီးဆင်း ရိုက်ခတ်သွားပါတယ်...

သူ့ရှေ့မှာ ထိုင်နေတဲ့ သူငယ်ချင်း ဖြစ်သူ ခင်ဇော် ကို ကြည့်လိုက်တော့ မွန်ထရီ တစ်ရှိုက် လဘ္ဘက်ရည် တစ်ကျိုက် နဲ့ သီချင်း ကို ခံစားချက်မဲ့စွာ စည်းချက်လိုက်နေတာကို တွေ့လိုက်ရတယ်...

အေးပေါ့လေ သူကတော့ စည်းချက်လိုက်နိုင်မှာပေါ့ သူ့ မှာ သီချင်းနဲ့ လိုက်ဖက်မယ့် ခံစားချက် ဆိုတာမှ မရှိတာကိုး ကိုယ့်မှာသာ မထွေးနိုင် မအန် နိုင်တဲ့ ခံစားချက်တွေကို ခါးသီးစွာ ကြိတ်မှိတ် မျိုချလို့............

တိုက်ဆိုင်ချက် ကလဲ ကမ်းကုန် ရော ဒီနေ့မှ ရလာတဲ့ ခံစားချက် ကို သူငယ်ချင်း ဖြစ်သူကို ရင်ဖွင့်မယ်ဟဲ့ ရယ်လို့ လဘ္ဘက်ရည်ဆိုင် ခေါ်လာမိခါမှ ဒီ သီချင်း နဲ့လာတိုး နေတယ်.....

“ဟေ့ရောင် ခင်ဇော်”

“ဟေ”

“မင်းဒီသီချင်း ကို ဘယ်လို ခံစားရလဲ” ?

“မဆိုးပါဘူး ကောင်းသားပဲ”

မေးတစ်ခွန်း ဖြေတစ်ခွန်း အပြီး မှာတော့ စကားဝိုင်း က တိတ်ဆိတ်ခြင်း သာ ဖုံးလွှမ်းသွား ပြီး ကျွန်တော့် ရဲ့ စိတ်တွေ က လွန်ခဲ့သော ရှစ်နာရီ အချိန် ကို ပြန်လည် ရောက်ရှိသွား ပါတော့တယ်..။

ဒီနေ့ ကျောင်းလွှတ် ချိန် သူလေး ကို သူမ ရဲ့ အမ က လာကြိုနေတယ်.....

နောက်တော့ အေးဆေး စကားပြောရအောင် ဆိုလို့ ကျွန်တော် တို့ နှစ်ယောက် အမြဲ ထိုင်နေကျ လ္ဘက်ရည် ဆိုင် ကို သွားပြီး စားပွဲဝိုင်းမှာ ထိုင်မိတယ် ဆိုရင်ပဲ............

"မောင်လေးနဲ့ အမ ညီမလေး နဲ့ ချစ်သူ တွေ ဖြစ်နေကြတယ် လို့ အမ ညီမ ကပြောတယ်"

သူမ နဲ့ အတူ ပါလာတဲ့ သူမ ရဲ့ အမ က စကား စလိုက်တယ်...

အော် ချစ်ရတဲ့ သူလေး က အမ ကိုတောင် ပွင့်ပွင့်လင်းလင်း ပြောထားပြီးပြီ ကိုး ကျွန်တော် ရင်ထဲမှာ ကြည်နူး သွားတယ်...

ဒါမေမယ့် ကြည်နူးမှု က ချက်ချင်း ဆိုသလို ပဲ သူမ အမ ဆီက ဆက်လက် ထွက်ပေါ်လာတဲ့ စကားကြောင့် ဆပ်ပြာ ဗူဘောင်း လေး တစ်ခုလို ပေါက်ကွဲ ကြေမွ သွားတယ်...။

"နောက် လာမယ့် တနင်္ဂနွေ နေ့ သူလက်ထပ်ရတော့မယ်"

ဒီနောက်တော့ မောင်လေး တို့ အေးအေး ဆေးဆေး ပြောကြနော် ဆိုပြီး တစ်ခြား စားပွဲ တစ်လုံးမှာ သွားထိုင်နေတဲ့ သူမရဲ့ အမ ၊ ချစ်သူလေး ရဲ့ တသွင်သွင် ကျဆင်း နေတဲ့ မျက်ရည်တွေ သူ့ကို ရှင်းပြ နေတဲ့ စကားသံ တွေ အားလုံး သူ့အာရုံမှာ အကုန် ရှုပ်ထွေးလို့.................။

"နင်နဲ့ငါနဲ့ ခုထက် ကို စောပြီး ချစ်သူတွေ ဖြစ်ခဲ့ကြရင် ကောင်းမယ် ဟာ"

"နင်ငါ့ ကိုဖွင့် မပြောခင် ပြီးခဲ့တဲ့ နွေရာသီ ကျောင်းပိတ်ရက် တုန်းက တပ်ရင်းအလိုက် ဘောလီဘော ပြိုင်ပွဲမှာ အဖေ တို့ တပ်ရင်း မိသားစု ဘောလီဘော အဖွဲ့မှာ ငါဝင်ပြိုင်ခဲ့မိတယ်...
အဲဒီ ပွဲတွေ ကို အမြဲ လိုက်ကြည့်တတ်တဲ့ ဗိုလ် တစ်ယောက်က ငါ့ ကို သဘောကျ ပြီး တပ်က တပ်ရင်းမှုးတွေ တပ်ခွဲ မှုးတွေ နဲ့ ငါ့ကို အဖေ့ဆီမှာ လာတောင်းတော့ အဖေကလဲ သဘောတူလိုက်တယ် ငါလဲ ငြင်းစရာ မလိုပါဘူးလေ ဆိုပြီး အဖေတို့ သဘောပါလို့ ပြောလိုက်မိတယ်"

***ကျောင်းဆင်းလို့ အိမ်ပြန်ချိန် ရောက်..ခဲ့ကြရင် ... ငိုကြရမှာ... မင်းရော ငါရော ဆိုင်သူကိုယ်...စီ ရှိပြီးသားဘဝမှာ... မဆိုင်တဲ့ကြားနှစ်ယောက်..မနစ်..နာလေအောင်..ဒို့နှစ်ယောက်.... ပျော်ရဲသလားးးးးးးးး
ဒို့..နှစ်ယောက်...ပျော်သင့်သလားးးးးးးးးးးးး***

သြော် ဒီကျောင်းဆင်း ချိန်လေး ကတော့ ကိုယ်တို့နှစ်ယောက် အတွက် တကယ့် ကို နောက်ဆုံး လမ်းခွဲ အချိန်ဖြစ်ခဲ့ ရပြီပေါ့...

ကိုယ့်မှာ ဆိုင်သူရယ် ဆိုလို့ သူလေး တစ်ယောက်သာ ရှိခဲ့ပေမယ့် သူလေးမှာကတော့ ပိုင်သူ ဆိုတာ ရှိနှင့်နေခဲ့ ပြီကိုး....

*** ဆုတ်လဲဆူး စားလဲရူး ဒီအခြေအနေမှာ အားလုံးမေ့ပြီး ထင်ရာ စိုင်းပြစ်လိုက်ချင် ရှိပြီးသား ခံစားချက် ကိုယ်စီ ကို ဒို့ နှစ်ယောက် အသိနဲ့ ထိမ်းသိမ်း လိုက်ကြစို့ ****

အဲဒီ အချိန် အခိုက်အတန့် လေးမှာ တကယ် ကိုပဲ သူတို့ နှစ်ယောက် အားလုံးကို မေ့ပြီး ထင်ရာစိုင်းချင်တဲ့ စိတ်တွေ ပေါ်ပေါက် ခဲ့ကြတာပေါ့ ..

ဒါပေမယ့် သူ လဲ သူ့မိသားစု နဲ့ အဖေ တပ်ရင်း အရာခံဗိုလ် ကြီး ရဲ့ မျက်နှာ ကို ကြည့်ရအုံးမယ်လေ ..
ကျွန်တော် ကလဲ ကျောင်းသား အရွယ် မဟုတ်လား........၊

စိတ်သွားတိုင်း ကိုယ်မပါ နိုင်တဲ့ အရွယ် တွေ ဆိုတော့လဲ ကျွန်တော်တို့ နှစ်ယောက် တစ်ယောက် မျက်နှာ တစ်ယောက်ကြည့်ပြီး ငိုချင်း ချ ရုံကလွဲလို့ ဘာမှ မတတ်နိုင်ခဲ့ ကြပါဘူးလေ....၊

ဒါနဲ့ပဲ ကျွန်တော် တို့ နှစ်ယောက်ရဲ့ ရင်ထဲက ခံစားချက် ကိုယ်စီကို အသိတွေ နဲ့ ထိန်းသိမ်း ပြီး နုတ်ဆက် ထွက်ခွာ ခဲ့ကြရပါတော့တယ်..။

ကျွန်တော့်အတွက်တော့ အခု လ္ဘက်ရည် ဆိုင်ထဲက ဆောင်းဘောက်စ် ကတစ်ဆင့် ပေါ်ထွက်နေတဲ့ ခိုင်ထူးရဲ့ ဆိုင်သူ ကိုယ်စီမို့ သီချင်းဟာ ကျွန်တော့် ရဲ့ ရင်ခွင် ကို ထိမှန်ခဲ့သော သီချင်းတစ်ပုဒ် ပါပဲဗျာ..။

Read More

အချစ်ဆိုသည်မှာ

ဘလော့ဂ် အကိုတွေ ညီတွေ ညီမတွေ လင်းထက်ကို ချစ်လိုက်ကြတာ သူတို့ခံစားရေးဖွဲ့လိုက်တဲ့ ပိုစ့်တွေ ကို သူတို့ရဲ့ အကို တစ်ယောက် ညီတစ်ယောက် ဖြစ်တဲ့ ကျွန်တော် လဲ ဘယ်လို ခံစားမှုတွေ ရှိမလဲ လို့ သိချင်လို့ တဂ်လိုက် ကြတာ အခုတော့ တဂ်ကြွေး များနဲ့ဝိုင်းနေသူ ကို လင်းထက် ဟုခေါ်သည် လို့တောင် ပြောရမလို ဖြစ်နေပြီ

ဒီတော့ အခု ပထမဆုံး အကိုကြီး အောင်သာငယ် ရဲ့ တဂ် ကို ပထမ ဆုံး ပြန်လည် ခံစားတင်ပြ ပါရစေ......

အချစ် ဆိုသည်မှာ...................

မြောက်ဝင်ရိုးစွန်း က ရေခဲတုံး တွေ ကြား ရောက်သွားသလို အအေးဓါတ် တွေ ကို ပေးစွမ်း နိုင်သလို..
ဟီရိုရှီးမား နဲ့ နာဂါဆာဂီ မှာ ပေါက်ကွဲ ခဲ့တဲ့ အနုမြူဗုံး ထက်လဲ ပူလောင်မှု တွေကို ပေးစွမ်းနိုင်တယ်..

မျှော်လင့်ချက် တွေကို အသက်ဆက် စေနိုင်သလို..
မျှော်လင့်ချက် တွေကို လဲ သေဆုံးသွား စေနိုင်တယ်..

ကိုယ်ဘယ်လိုမှ မလုပ်နိုင်တော့ဘူး လို့ ထင်ထားတဲ့ အရာတွေကို အောင်မြင်အောင် လုပ်ဆောင်ဖို့ တွန်းအားပေးနိုင်သလို..
လွယ်ကူပါတယ် ဆိုတဲ့ အရာတွေ ကို ဆက်ပြီး မလုပ်နိုင်လောက်အောင် လဲ ဖျက်ဆီး တတ်တယ်..

ပျော်ရွှင် တက်ကြွ မှုတွေ ကို ဆောင်ကြဉ်း ပေးနိုင်သလို..
စိတ်ညစ် အားငယ် မှု တွေကို လဲ ရသ အပြည့် ပေးနိုင်တယ်..

ကမ္ဘာကြီး ကို အပြုံးပန်း တွေ နဲ့ဖူးပွင့် အလှဆင် နိုင်သလို..
မျက်ရည်မိုး တွေ ရွာသွန်းဖြိုးစေ နိုင်တယ်

ဘယ်အာဏာရှင် ဘယ် ဥပဒေ ကမှ တားဆီး ပိတ်ပင် လို့ မရ စကောင်း နိုင်တဲ့ အရာ..

လူတန်းစား မရွေး ဘာသာ မရွေး အားလုံး မှာ တူညီ စွာ ရှိတတ် တဲ့ အရာ..

ရင်ထဲမှာ အစာ မစားပဲ ပြည့်နေအောင် ဖန်တီး နိုင်သလို...
အမြဲတမ်း လဲ ဟာနေအောင် စွမ်းဆောင်နိုင် တယ် ...

ကျွန်တော် ခံစားမိ သလောက် ကလေးပါ....။

ဒီတော့ ထုံးစံ အတိုင်းလေး ရိုးရာ မပျက်ရအောင် အချစ်အကြောင်း ဖွင့်ဆိုမယ့် နောက်ထပ် အချစ်ဒဿနိက ပညာရှင် များ ကတော့....

ဘလက်ဒရင်း , ညမီးအိမ် ,ထိုက်မင်း,ဇောင်း ,ကြယ်ဇင်သွေး ,အိမ် ,မိုးသောက်ယံ,
မောင်မျိုး ကတော့ ကို အောင်သာငယ်တဂ်ထားပြီးဖြစ်ပေမယ့်လို့ ထပ်ထည့်ထားတယ်

နတ်သမီးလေး မွန် ,Apprenticeship,မေမိုးမခ ,မီးငယ် ,မေမိုး ,ဝေလေး ,အမရာ

ကဲ ညီကို မောင်နှမ တို့ရေ အချစ် အကြောင်းလေး ဖွဲ့ဆို လိုက်ကြပါအုံး နော်

Read More